बैंक, बीमा तथा वित्तीय क्षेत्र कर्मचारी संघ नेपालद्धारा मौद्रिक नीति सम्बन्धी नलेज शेयरिङ्ग कार्यक्रम आयोजना

काठमाडौं, साउन १९ गते। बैंक, बीमा तथा वित्तीय क्षेत्र कर्मचारी संघ  (बिफु) नेपालले मौद्रिक नीति २०८२/०८३ सम्बन्धी नलेज शेयरिङ्ग कार्यक्रम सोमबार काठमाडौंमा आयोजना गरेको छ । बैंक तथा वित्तीय क्षेत्रमा कार्यरत कर्मचारीहरुलाई मौद्रिक नीतिको सफल कार्यन्वयनका लागि सहयोग पुग्ने हेतुले उक्त कार्यक्रमको आयोजना गरिएको हो  । 

नेपाल राष्ट बेैकका आर्थिक अनुसन्धान विभागका कार्यकारी निर्देशक डा. रामशरण खरेलले स्रोत व्यक्तिको रुपमा सहजीकरण गरेका थिए । उनले मौदिक नीतिले लिएको उद्धेश्य, कार्यदिशा, प्राथमिकता, मुद्रस्फीति नियन्त्रण, मुद्राको आपूर्ती, विदेशी मुद्रा, कर्जाको गुणस्तर सुधार गर्ने, बैंक तथा वित्तीय संस्थाले खेल्नु पर्ने भूमिकाका बारेमा गहिरोसँग विश्लषणात्मक प्रस्तुती दिएका थिए। साथै उनले सहभागिहरुको जिज्ञासा समेत समाधान गरेका थिए।

विफु नेपालका अध्यक्ष धर्मप्रसाद मैनालीको अध्यक्षतामा सम्पन्न भएको उक्त कार्यक्रममा नेकपा एमालेका पोलिटब्युरो सदस्य एवं पेसागत महासंघ नेपालका ईन्चार्ज रामेश्वर फुँयालको प्रमुख आतिथ्यता, विफु नेपालका उपाध्यक्ष लक्ष्मीप्रसाद पाण्डेयले स्वागत मन्तब्य तथा उपमहासचिव पुरुषोत्तम आचार्यले कार्यक्रम संचालन गरेका थिए । कार्यक्रममा पेसागत महासंघ नेपालका अध्यक्ष पुण्यप्रसाद ढकाल, उपाध्यक्ष भोलाप्रसाद पोखरेल, विफुका ईन्चार्ज कमलप्रसाद पराजुली लगायत १५० भन्दा बढी सहभागीहरुको उपस्थिति रहेको थियो ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?