कुमारी बैंकको नाफामा उल्लेखनीय सुधार, चौथो त्रैमासमा २ अर्ब ११ करोड रुपैयाँ शुद्ध नाफा

BFIS News
2025 Aug Thu 11:09

काठमाडौं। कुमारी बैंक लिमिटेड (केबीएल) ले आर्थिक वर्ष २०८१/८२ को चौथो त्रैमासको unaudited वित्तीय विवरण सार्वजनिक गरेको छ।

सार्वजनिक विवरणअनुसार बैंकले यस अवधिमा २ अर्ब ११ करोड रुपैयाँ शुद्ध नाफा कमाउन सफल भएको छ। गत वर्षको सोही अवधिमा बैंकको नाफा मात्र ४६ लाख ८ हजार रुपैयाँ थियो।

बैंकको चुक्ता पूँजी २६ अर्ब २२ करोड रुपैयाँमा यथावत् रहेको छ। जगेडा कोष ०.६२ प्रतिशतले घट्दै १३ अर्ब ८५ करोड रुपैयाँमा झरेको छ। यद्यपि, संचित नोक्सानीमा उल्लेखनीय सुधार देखिएको छ। अघिल्लो वर्षको चौथो त्रैमासमा ५ अर्ब ३७ करोड रुपैयाँ रहेको नोक्सानी चालु वर्षको सोही अवधिमा घट्दै २ अर्ब ७९ करोड रुपैयाँमा झरेको छ।

ग्राहक निक्षेप ९.४६ प्रतिशतले बढ्दै ३ खर्ब ६४ अर्ब रुपैयाँ पुगेको छ। बैंकको कर्जा प्रवाह भने २.७९ प्रतिशतले घट्दै २ खर्ब ६० अर्ब रुपैयाँमा सीमित भएको छ, जुन अघिल्लो वर्षको सोही अवधिमा २ खर्ब ६८ अर्ब रुपैयाँ थियो। बैंकको कर्जाको गुणस्तरमा केही गिरावट आएको देखिएको छ, जसअनुसार गैर-संवेदनशील कर्जा (एनपीएल) अनुपात ५.९६ प्रतिशतबाट बढेर ६.४२ प्रतिशतमा पुगेको छ।

साफ ब्याज आम्दानी ६.९५ प्रतिशतले बढ्दै ११ अर्ब ५५ करोड रुपैयाँ पुगेको छ। ऋण नोक्सानीको व्यवस्थापन खर्च (impairment charges) ५९ प्रतिशतभन्दा बढीले घटेर ६ अर्ब ८४ करोड रुपैयाँबाट २ अर्ब ७९ करोड रुपैयाँमा झरेको छ। संचालन मुनाफा ५२९ प्रतिशतभन्दा बढीले वृद्धि भई ९७ करोड ३९ लाख रुपैयाँबाट ६ अर्ब १३ करोड रुपैयाँमा पुगेको छ।

बैंकको पूँजी पर्याप्तता अनुपात (Capital Adequacy Ratio) ११.४२ प्रतिशतबाट बढेर १२.९८ प्रतिशतमा सुधार भएको छ। बैंकको कोषको लागत (Cost of Fund) २९.६७ प्रतिशतले घटेर ६.७४ प्रतिशतबाट ४.७४ प्रतिशतमा झरेको छ।

बैंकको वार्षिक आम्दानी प्रति सेयर (EPS) उल्लेखनीय वृद्धि गर्दै ०.०२ रुपैयाँबाट बढेर ८.०७ रुपैयाँमा पुगेको छ। प्रति सेयर नेटवर्थ ७.१४ प्रतिशतले बढेर १४२.१९ रुपैयाँ पुगेको छ। सो अवधिमा बैंकको मूल्य-आर्जन अनुपात (P/E ratio) २७.२३ गुणा रहेको छ भने बजार मूल्य प्रतिकित्ता २१९.७७ रुपैयाँ रहेको छ।