माबिलुङ्ग इनर्जीको आइपिओमा पहिलो दिनमै ६ गुणाले ओभर सब्सक्राइब, ६ लाख ६४ हजारले दिए आवेदन

काठमाडौं। माबिलुङ्ग इनर्जी लिमिटेडको आइपिओमा पहिलो दिनमै ६ गुणा बढिको आवेदन परेको छ। कम्पनीले आजदेखि निष्काशन गरेको प्राथमिक शेयरमा ६ लाख ६४ हजारले ७५ लाख २७ हजार कित्ताका लागि आवेदन परेको हो। कम्पनीले सर्वसाधारणका लागि १२ लाख ४८ हजार ९०४ कित्ता शेयर जारी गरेको छ। ७५ करोड २७ लाख ५२ हजार रुपैयाँको आवेदन परेको हो।

न्यूनतम १० कित्ता र अधिकतम ५० हजार कित्तासम्म आवेदन दिन सकिने यो आईपीओको निष्काशन अव साउन २९ गतेसम्म मात्रै खुला रहनेछ। 

क्रेडिट रेटिङ एजेन्सी इक्रा नेपालले कम्पनीलाई ‘इक्रा एनपी इस्यूअर रेटिङ सिंगल बी प्लस’ प्रदान गरेको छ, जसले कम्पनीको दायित्व बहन गर्ने क्षमतामा औसत जोखिम रहेको जनाउँछ।

माबिलुङ इनर्जीले सञ्चालन गरेको ४.९५ मेगावाट क्षमताको माथिल्लो पिलुवाखोला–३ जलविद्युत आयोजनाको अनुमानित लागत १ अर्ब १३ करोड ६० लाख रुपैयाँ छ। प्रतिमेगावाट लागत २२ करोड ९५ लाख रुपैयाँ रहेको यस आयोजनाको विद्युत अनुमतिपत्र ३१ वर्ष बाँकी छ। साधारण लगानी फिर्ता हुने अवधि ९.४३ वर्ष र छुट मूल्यमा लगानी फिर्ता हुने अवधि १७.०९ वर्ष रहने अनुमान गरिएको छ।

यस आईपीओको निष्काशन तथा बिक्री प्रबन्धक लक्ष्मी सनराइज क्यापिटल लिमिटेड हो। लगानीकर्ताले नेपाल धितोपत्र बोर्डबाट स्वीकृत सबै सि–आस्बा सदस्य बैंक तथा वित्तीय संस्था र तिनका शाखाबाट सि–आस्बा प्रणालीमार्फत आवेदन दिन सक्नेछन्।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?