नेपाल एसबिआई बैंकको नाफा ९.८६ प्रतिशतले घट्यो, वितरणयोग्य मुनाफा १ अर्ब २३ करोड रुपैयाँ

काठमाडौं ।  नेपाल एसबिआई बैंक लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार बैंकको खुद नाफा अघिल्लो आर्थिक वर्षको सोही अवधिको तुलनामा ९.८६ प्रतिशतले घटेको छ।

आर्थिक वर्षको अन्त्यसम्म बैंकले १ अर्ब ८० करोड २५ लाख रुपैयाँ खुद नाफा आर्जन गरेको हो, जुन अघिल्लो वर्षको सोही अवधिको १ अर्ब ९९ करोड रुपैयाँ नाफाभन्दा १८ करोड ७५ लाख रुपैयाँले कम हो।

बैंकको खुद ब्याज आम्दानी ३.७२ प्रतिशत र खुद फि तथा कमिशन आम्दानी ७.५५ प्रतिशतले बढेपनि, इम्पेरमेन्ट चार्ज ६४ करोड ८३ लाख रुपैयाँबाट बढेर १ अर्ब २ करोड रुपैयाँ पुगेपछि नाफामा गिरावट आएको हो। यससँगै सञ्चालन मुनाफा पनि ३.६२ प्रतिशतले घटेको छ।

समीक्षा अवधिमा बैंकको प्रतिशेयर आम्दानी (EPS) १ रुपैयाँ ८१ पैसाले घटेर १६ रुपैयाँ ५४ पैसामा झरेको छ। असार मसान्तसम्म वितरणयोग्य मुनाफा १ अर्ब २३ करोड ३ लाख रुपैयाँ र वितरणयोग्य प्रतिशेयर आम्दानी ११ रुपैयाँ २९ पैसा रहेको छ।

त्यस्तै, बैंकको प्रतिशेयर नेटवर्थ १८८ रुपैयाँ ५९ पैसा र मूल्य–आम्दानी अनुपात (P/E Ratio) २६.६० गुणा रहेको छ। १० अर्ब ८९ करोड रुपैयाँ चुक्ता पूँजी रहेको बैंकको जगेडा कोषमा ९ अर्ब ६५ करोड रुपैयाँ सञ्चित छ।

गत आर्थिक वर्षको अन्त्यसम्म बैंकले १ खर्ब ९९ अर्ब रुपैयाँ निक्षेप संकलन गरी १ खर्ब ३४ अर्ब रुपैयाँ कर्जा प्रवाह गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?