पिपुल्स पावरले अवितरित हकप्रद शेयर लिलाम बिक्री गर्ने

काठमाडौं । पिपुल्स पावर लिमिटेड (PPL) ले अवितरित हकप्रद शेयर लिलाम बिक्री गर्ने भएको छ। कम्पनीले गत असार २२ गतेदेखि साउन २६ गतेसम्म निष्काशन गरेको हकप्रदमा आवेदन नपरेका शेयरहरू लिलाम प्रक्रियामार्फत बिक्री गर्न लागिएको हो।

कम्पनीले यसअन्तर्गत ३ लाख ९१ हजार ७७९ कित्ता अवितरित हकप्रद शेयर लिलाममार्फत बिक्री गर्न लागेको जनाएको छ। इच्छुक लगानीकर्ताले भदौ १५ गतेदेखि २२ गतेसम्म शिलबन्दी बोलपत्र पेश गर्नुपर्नेछ।

उक्त शेयरको न्यूनतम मूल्य प्रतिकित्ता १०० रुपैयाँ तोकिएको छ। लगानीकर्ताले सो वा सोभन्दा बढी मूल्य प्रस्ताव गरी आवेदन दिन सक्नेछन्। न्यूनतम १०० कित्ताका लागि आवेदन दिनुपर्ने व्यवस्था गरिएको छ भने अधिकतम शेयर संख्यामा भने कुनै सीमा तोकिएको छैन।

शेयर निष्काशन तथा बिक्री प्रबन्धक प्रभु क्यापिटल लिमिटेड रहेको छ। लगानीकर्ताले प्रभु क्यापिटलसहित प्रभु बैंकका विराटनगर, वीरगञ्ज, हेटौंडा, पोखरा, बुटवल, सुर्खेत र धनगढी शाखा कार्यालयमार्फत आवेदन दिन सक्ने व्यवस्था गरिएको छ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?