सानिमा बैंकलाई नेपालमा CEXIM-आधारित जलविद्युत परियोजनाका लागि प्रतिनिधि बैंक नियुक्त

काठमाडौं ।  चिनियाँ एक्सपोर्ट–इम्पोर्ट बैंक (CEXIM) ले नेपालमा मानेाङ मर्स्याङ्दी जलविद्युत आयोजना (१३५ मेगावाट) र लाङटाङ मोतेकोशी जलविद्युत आयोजना (१२० मेगावाट) को वित्तीय प्रक्रिया सहज बनाउन सानिमा बैंक लिमिटेडलाई प्रतिनिधि बैंक (Agent Bank) मा नियुक्त गरेको छ।

CEXIM को सिचुआन शाखामा आयोजित औपचारिक सम्झौतामा सानिमा बैंकको प्रतिनिधित्व प्रमुख निक्षेप अधिकृत हेम राज संज्यालले गरे भने CEXIMको तर्फबाट उपाध्यक्ष सु यानहुयले हस्ताक्षर गरे।

सम्झौता कार्यक्रममा दुवै बैंकका वरिष्ठ अधिकारीहरू र SGIC International का प्रतिनिधिहरू उपस्थित थिए। सानिमा बैंकका प्रमुख कार्यकारी अधिकृत निश्चल राज पाण्डेले प्रतिनिधि बैंकमा चयन गरिएकोमा आभार व्यक्त गर्दै यस साझेदारीले नेपालको अन्तर्राष्ट्रिय व्यापार सम्बन्ध बलियो पार्ने, पूर्वाधार र जलविद्युत विकासलाई सहयोग गर्ने तथा बैंकको राष्ट्रिय र वैश्विक प्रतिष्ठा बढाउने विश्वास व्यक्त गरे।

CEXIM र परियोजना सरोकारवालाहरूले समयमै परियोजना सम्पन्न गर्ने प्रतिबद्धता व्यक्त गर्दै सानिमा बैंकको नेपालमा महत्वपूर्ण चिनियाँ मुद्रा लेनदेनको मध्यस्थकर्ताको भूमिका महत्वपूर्ण रहेको बताएका छन्। यस साझेदारीले भविष्यका परियोजनाका लागि नमूना प्रस्तुत गर्ने र देशको दिगो विकासमा योगदान पुर्‍याउने अपेक्षा गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?