शेयर बजारमा ७.७६ अंकको सुधार, दुई पुनर्बीमाले ल्याए रौनक, महिलाको उपस्थिति नहुँदा कारोबार रकम घट्यो

काठमाडौं। नेपाली नारीहरुको महान चाड हरितालिका तिजको दिन शेयर बजारमा ७.६० अंकको सुधार देखिएको छ। आज सरकारले महिलाहरुलाई मात्रै सार्वजनिक विदा दिएका कारण शेयर बजार बैंक वित्तीय संस्था र सरकारी कार्यालय खुलै छ। 

महिलाहरुको उपस्थिति नहुँदा कारोबार रकम भने घटेको छ। आजको कारोबारले शेयर बजारमा महिलाको निर्णायक भुमिकालाई समेत प्रमाणित गरेको छ। आज ४ अर्ब १८ करोडको मात्रै कारोबार भयो। जुन हिजो सोमबारको भन्दा धेरै कम हो। 

आज १०१ वटा कम्पनीको शेयर मूल्यमा सुधार आउदा १४९ वटा कम्पनीको शेयर मूल्यमा भने गिरावट आएको छ। नेपाल पुनर्बीमा कम्पनीको शेयर सर्वाधिक धेरै ४८ करोड ९५ लाख रुपैयाँको खरिद बिक्री भएको छ। त्यस्तै हिमालयन रिको २१ करोडको खरिद बिक्री भएको छ। विकास हाइड्रोपावरको शेयर मूल्यमा सकारात्मक सर्किट लागेको छ। नेपाल रिपब्लिक मिडियामा ८.६१ प्रतिशतले बृद्धि भएको छ। 

पछिल्लो समय नियामक निकाय शेयर बजार प्रति निकै सकारात्मक देखिएका छन्। राष्ट्र बैंकले लघुवित्तको लाभांशको सिलिङमा परिमार्जन गरिदिएको छ। यस बाहेक धेरै नीतिगत व्यवस्थालाई खुकुलो बनाइसकेको राष्ट्र बैंकले शेयर बजारको सुधारलाई मध्यनजर गर्दै नीतिगत निर्णय समेत गर्दै आइरहेको छ। नेपाल धितोपत्र बोर्ड तथा नेप्सेका पदाधिकारी पनि शेयर बजारको सुधारलाई मध्यनजर गर्दै संयमित देखिन्छन्। 

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?