आज २५ अर्ब निक्षेप संकलन गर्दै राष्ट्र बैंक

काठमाडौं । नेपाल राष्ट्र बैंकले आज (आईतबार) २५ अर्ब रुपैयाँ बराबरको निक्षेप संकलन गर्न लागेको छ। बढी तरलता व्यवस्थापन गर्ने उद्देश्यले केन्द्रीय बैंकले निक्षेप संकलन उपकरणमार्फत यो रकम खिच्न लागेको हो।

हाल देशभर कुल निक्षेप ७२ खर्ब रुपैयाँभन्दा बढी पुगेको छ। वित्तीय प्रणालीमा बढ्दो तरलता नियन्त्रण र ब्याजदर व्यवस्थापनका लागि राष्ट्र बैंकले निक्षेप संकलन उपकरण र स्थायी निक्षेप सुविधामार्फत नियमित रुपमा तरलता संकलन गर्दै आएको छ।

बोलकबोल प्रक्रियामा ‘क’, ‘ख’ र ‘ग’ वर्गका इजाजतप्राप्त बैंक तथा वित्तीय संस्थाहरू मात्र सहभागी हुन पाउनेछन्। सहभागी संस्थाहरूले प्रस्ताव गरेको ब्याजदरका आधारमा सबैभन्दा कम दरलाई प्राथमिकता दिँदै मागअनुसार रकम बाँडफाँट गरिनेछ।

आजको निक्षेप संकलन बोलकबोल अनलाइन खरिद प्रणालीमार्फत हुनेछ। बोलकबोलबाट तोकिएको ब्याजदरअनुसार संकलित रकमको सावाँ तथा ब्याज २०८२ असोज १२ गते भुक्तानी हुने व्यवस्था गरिएको छ। यसका लागि न्यूनतम १० करोड रुपैयाँदेखि अधिकतम ५ करोड रुपैयाँले विभाज्य हुने गरी कुल आह्वान रकमसम्म बोल गर्न सकिनेछ।

केन्द्रीय बैंकको खुला बजार कारोबार सम्बन्धी कार्यविधिअनुसार, वित्तीय बजारमा दीर्घकालीन तरलता देखिएमा बढीमा ६ महिनासम्मको अवधिका लागि निक्षेप संकलन उपकरण प्रयोग गर्न सकिन्छ। यही प्रावधानअनुसार राष्ट्र बैंकले पटक–पटक निक्षेप संकलन गर्दै आएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?