एभरेष्ट बैंकको लाभांश सुरक्षित गर्ने आज अन्तिम दिन, कात्तिक १२ मा वार्षिक साधारण सभा

काठमाडौँ, असोज २३ – एभरेष्ट बैंक लिमिटेडको लाभांश सुरक्षित गर्ने अन्तिम दिन आज बिहीबार परेको छ। बैंकले भोली असोज २४ गते बुकक्लोज गर्ने निर्णय गरेपछि, आजसम्म नेप्सेमा कारोबार भइ कायम रहेका शेयरधनीहरुले मात्र बैंकको आगामी साधारण सभामा सहभागी हुन र प्रस्तावित लाभांश प्राप्त गर्न सक्नेछन्।

बैंकले कात्तिक १२ गते, बुधबार, बिहान ११ बजे काठमाडौंको भाटभटेनीस्थित आम्रपाली ब्यांक्वेटमा ३१ औँ वार्षिक साधारण सभा बोलाएको छ।

सभामा हाल कायम चुक्ता पूँजीको ६ प्रतिशत बोनस शेयर तथा कर प्रयोजनार्थ १४ प्रतिशत नगद लाभांश वितरण गर्ने विशेष प्रस्ताव पारित गरिनेछ। साथै, सभाले बैंकको प्रबन्धपत्र तथा नियमावली संशोधन, नयाँ लेखापरीक्षक नियुक्ति लगायतका अन्य महत्वपूर्ण प्रस्तावहरु पनि पारित गर्नेछ।

बैंकका शेयरधनीहरुलाई निर्धारित मिति भित्र सेयर कारोबार गरी आफ्नो नाममा कायम राख्न अनुरोध गरिएको छ, ताकि उनीहरुले प्रस्तावित लाभांश र सभामा भाग लिने अधिकार सुनिश्चित गर्न सकून्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?