नेपाल राष्ट्र बैंकद्धारा दुई मनिचेञ्जरको इजाजतपत्र रद्द

काठमाडौं । नेपाल राष्ट्र बैंकले इजाजतपत्रको म्याद तोकिएको समयमा नवीकरण नगरेका दुई मनिचेञ्जर कम्पनीहरूको इजाजतपत्र रद्द गरेको छ।

राष्ट्र बैंकको विदेशी विनिमय व्यवस्थापन विभाग, बालुवाटारले बिहीबार सार्वजनिक गरेको सूचनाअनुसार युनियन करेन्सी एक्सचेन्ज प्रा.लि. र के.टी.एम. ओम मनी एक्सचेन्ज प्रा.लि. का इजाजतपत्र रद्द गरिएको हो।

सूचनामा उल्लेख अनुसार, उक्त मनिचेञ्जरहरूले नेपाल राष्ट्र बैंक, मनिचेञ्जर इजाजतपत्र तथा निरीक्षण विनियमावली, २०७७ (चौथो संशोधनसहित) को विनियम १९(३) बमोजिम तोकिएको समयसीमाभित्र — अर्थात् म्याद समाप्त भएको मितिले तीन महिनाभित्र — नवीकरणका लागि निवेदन नदिएकाले इजाजतपत्र रद्द गर्ने निर्णय गरिएको हो।

राष्ट्र बैंकले सम्बन्धित कम्पनीहरूलाई मनिचेञ्जर कारोबार गर्न निषेधित रहेको जानकारी दिँदै सर्वसाधारण तथा सरोकारवालाहरुलाई सो कम्पनीहरूसँग विदेशी विनिमय कारोबार नगर्न आग्रह गरेको छ।

राष्ट्र बैंकले मनिचेञ्जर कारोबारमा पारदर्शिता, अनुशासन र वित्तीय प्रणालीको स्थायित्व सुनिश्चित गर्नका लागि इजाजतपत्र नवीकरण, निरीक्षण र नियमनको प्रक्रिया कडाइका साथ लागू गरिरहेको जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?