गोर्खाज फाइनान्सका अध्यक्ष गौरब बुढाथोकी र सञ्चालक नीलम बोहराको राजिनामा, कल्पना खापुङ नयाँ अध्यक्ष चयन

काठमाडौं। गोर्खाज फाइनान्स लिमिटेडका अध्यक्ष गौरब बुढाथोकी र सञ्चालक नीलम बोहराले पदबाट राजिनामा दिएका छन्। दुबैजना सञ्चालकले व्यक्तिगत कारण देखाउँदै राजिनामा दिएपछि फाइनान्सको सञ्चालक समितिले नयाँ अध्यक्षको चयन गरेको छ।

संस्थाका सञ्चालक समितिका अध्यक्ष रहेका गौरब बुढाथोकीले मिति २०८२ साल असोज ९ गते व्यक्तिगत कारणले सञ्चालक समितिको अध्यक्ष र सदस्य दुवै पदबाट राजिनामा दिएका थिए। उक्त राजिनामा फाइनान्सको मिति २०८२ साल असोज ११ गते (मंगलबार) बसेको सञ्चालक समितिको ५३२औं बैठकले स्वीकृत गरेको जनाएको छ।

त्यसैगरी, सोही बैठकले बुढाथोकीको राजिनामा स्वीकृत गर्दै संस्थापक सञ्चालक कल्पना खापुङलाई सञ्चालक समितिको अध्यक्ष पदमा सर्वसम्मत निर्णयका साथ चयन गरेको छ। नयाँ अध्यक्षको जिम्मेवारी मिति २०८२/०७/११ गतेदेखि लागू हुनेगरी प्रदान गरिएको फाइनान्सले जनाएको छ।

यस्तै, संस्थाकी सञ्चालक नीलम बोहराले पनि व्यक्तिगत कारणले सञ्चालक पदबाट राजिनामा दिएकी छन्। उनको राजिनामा पनि सोही मिति २०८२/०७/११ गते बसेको ५३२औं बैठकले स्वीकृत गरेको छ।

एकै पटक दुई सञ्चालकको राजिनामापछि गोर्खाज फाइनान्सको गतिविधि र आगामी रणनीतिप्रति बजारका सरोकारवालाहरूको चासो बढेको देखिन्छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?