नेक्सजेन म्यानेजमेन्टले आइपिओ निष्काशन गर्ने, बिक्री प्रवन्धकमा लक्ष्मी सन्राइज क्यापिटल नियुक्त

काठमाडौं। नेक्सजेन म्यानेजमेन्ट एण्ड इक्विटी सोलुसन्स लिमिटेडले आगामी दिनमा सर्वसाधारणका लागि साधारण शेयर (आईपीओ) निष्काशन गर्न लागिएको छ। यसका लागि कम्पनीले लक्ष्मी सन्राइज क्यापिटल लिमिटेडलाई निष्काशन तथा बिक्री प्रबन्धकको रूपमा नियुक्त गरेको छ।

नेक्सजेनले प्रतिकित्ता रु. १०० अंकित दरका १५ लाख कित्ता साधारण शेयर जारी गर्नेछ, जसको कुल मूल्य रु. १५ करोड बराबर हुनेछ। यससम्बन्धी समझदारीपत्रमा कम्पनीका प्रवन्ध सञ्चालक रमेश कुमार भट्टराई र सन्राइज क्यापिटलका प्रमुख कार्यकारी अधिकृत विजय लाल श्रेष्ठले मंसिर ८ गते काठमाडौंको नयाँ बानेश्वरस्थित क्यापिटलको कार्यालयमा हस्ताक्षर गरेका हुन्।

सम्झौताअनुसार निकट भविष्यमै आईपीओ सार्वजनिक गर्ने तयारी गरिएको कम्पनीले जनाएको छ। नेक्सजेन म्यानेजमेन्ट एण्ड इक्विटी सोलुसन्स लिमिटेडको हाल अधिकृत पूँजी रु. १ अर्ब र जारी पूँजी रु. ५० करोड रहेको छ। कम्पनीले स्थापनाको तेस्रो वर्षदेखि लगातार छ वर्षसम्म खुद मुनाफा आर्जन गर्दै आएको जनाएको छ। गत वर्ष कम्पनीले नगद लाभांश वितरण गरेको थियो भने चालु वर्षको मुनाफा जगेडा कोषमा सारिएको छ।

कम्पनीको नेटवर्थ पनि शेयरको अंकित मूल्यभन्दा उच्च रहेको उल्लेख गरिएको छ। नेक्सजेनका अध्यक्ष पूर्व बैंकर तथा बीमा प्राधिकरणका पूर्व अध्यक्ष देवेन्द्र प्रताप शाह रहेका छन्। सम्झौता समारोहमा कम्पनीका शेयरधनी विजय बहादुर शाह र कमल पन्थीको पनि उपस्थिति थियो।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?