अलास्का–युकोन सिमानामा ७.० म्याग्निच्युडको शक्तिशाली भूकम्प, क्षति रिपोर्ट छैन

लस एन्जलस, मङ्सिर २१ गते । अमेरिकी राज्य अलास्का र क्यानाडाको युकोन क्षेत्रको दुर्गम पहाडी भूभागमा शनिबार साँझ ७.० म्याग्निच्युडको शक्तिशाली भूकम्प गएको छ। युएस जियोलोजिकल सर्भेका अनुसार २०:४१ जिएमटीमा गएको मुख्य कम्पनपछिका तीन घन्टाभित्र ५.१ देखि ३.३ म्याग्निच्युडका झण्डै ३० वटा परकम्प महसुस भएका थिए।

भूकम्पको केन्द्र क्यानाडाको युकोन प्रदेशको राजधानी ह्वाइटहर्सबाट करिब २४८ किलोमिटर पश्चिमतर्फ र अलास्काको राजधानी जुनोबाट करिब ३७० किलोमिटर उत्तर–पश्चिमतर्फ रहेको जनाइएको छ। अलास्काको याकुटाट क्षेत्रमा प्रहरी प्रमुख थियो केप्सका अनुसार कम्पन १५–२० सेकेन्डसम्म चलेको भए पनि अहिलेसम्म कुनै मानवीय क्षति वा भौतिक नोक्सानीको खबर प्राप्त भएको छैन।

अमेरिकी सुनामी चेतावनी प्रणालीले समुद्री सतहमा कुनै असामान्य परिवर्तन नदेखिएकाले सुनामीको जोखिम नभएको स्पष्ट पारेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन