बर्दिबासमा शङ्कास्पद वस्तु विस्फोट हुँदा दुई पैदलयात्री घाइते

बर्दिबास फागुन १९ गते । निर्वाचनको पूर्वसन्ध्यामा बर्दिबासमा शङ्कास्पद वस्तु विस्फोट हुँदा दुईजना पैदलयात्री घाइते भएका छन् ।

इलाका प्रहरी कार्यालय बर्दिबास का अनुसार बर्दिबास–१ स्थित पूर्व–पश्चिम लोकमार्गअन्तर्गत रातु पुलको दाहिनेतर्फ रातो रङको बट्टामा दुईवटा शङ्कास्पद वस्तु भेटिएका थिए । बर्दिबासबाट पूर्वतर्फ जाँदै गरेका तीन जनामध्ये एक जनाको खुट्टा शङ्कास्पद वस्तुमा लाग्दा विस्फोट भएको प्रहरी नायब उपरीक्षक (डीएसपी) विकास बमले जानकारी दिनुभयो ।

विस्फोटको छर्रा लागेर कैलालीको घोडाघोडी–१० घर भई हाल बर्दिबासस्थित वर्कसपमा काम गर्ने १७ वर्षीय सन्देश चौधरी र २४ वर्षीय २४ वर्षीय समीर चौधरी घाइते भएका छन् । उनीहरूको बायाँ खुट्टा र ढाडमा सामान्य चोट लागेको र अवस्था खतरामुक्त रहेको जनाइएको छ ।

घटनाको जानकारी पाएलगत्तै डीएसपी बमको कमान्डमा प्रहरी टोली घटनास्थल पुगेको थियो । घटनास्थलमा करिब २०० ग्राम तौलको अर्को शङ्कास्पद वस्तु फेला परेपछि Nepal Army को बम डिस्पोजल टोलीसँग समन्वय गरी निष्क्रिय पारिएको प्रहरीले जनाएको छ ।

बम कसले र किन राखेको हो भन्ने खुलेको छैन । जिल्ला प्रहरी कार्यालयका प्रहरी उपरीक्षक (एसपी) हेरम्ब शर्माका अनुसार घटनाबारे सूक्ष्म अनुसन्धान भइरहेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन