नेपाली बजारमा सुन र चाँदीको मूल्य घट्यो, प्रतितोला ३ लाख १३ हजार २०० रुपैयाँमा कारोबार

BFIS News
2026 Mar 09 11:40

नेपाली बजारमा सुन र चाँदीको मूल्य घट्यो, प्रतितोला ३ लाख १३ हजार २०० रुपैयाँमा कारोबार

काठमाडौं । फागुन २५ गते सोमबार नेपाली बजारमा सुन र चाँदी दुवैको मूल्य घटेको छ। यस दिन सुन प्रतितोला ३ हजार ७०० रुपैयाँले घटेको छ भने चाँदीको मूल्य तोलामा ६५ रुपैयाँले कमी आएको छ।

नेपाल सुनचाँदी व्यवसायी संघका अनुसार आज छापावाल सुन प्रतितोला ३ लाख १३ हजार २०० रुपैयाँमा कारोबार भइरहेको छ। यसअघि आइतबारको बजारमा सुन प्रतितोला ३ लाख १६ हजार ९०० रुपैयाँमा कारोबार भएको थियो।

त्यसैगरी सोमबार चाँदीको मूल्य पनि घटेको छ। आज चाँदी प्रतितोला ६५ रुपैयाँले घटेर प्रतितोला ५ हजार ४१० रुपैयाँमा कारोबार भइरहेको छ। आइतबार भने चाँदी प्रतितोला ५ हजार ४७५ रुपैयाँमा कारोबार भएको थियो।

अन्तर्राष्ट्रिय बजारको प्रभावका कारण पछिल्ला दिनहरूमा सुन तथा चाँदीको मूल्यमा उतारचढाव देखिँदै आएको छ।