![$adHeader[0]['title']](https://bfisnews.com/images/bigyapan/1760080292_64756700.gif)
सुनको मूल्यमा निरन्तर गिरावट, सुन ५४०० र चाँदी १४० रुपैयाँले घट्यो
- BFIS News
- 2026 Mar 19 11:48
काठमाडौं। नेपाली बजारमा आज सुन तथा चाँदी दुवैको मूल्यमा गिरावट आएको छ। पछिल्ला दिनहरूमा निरन्तर उतारचढाव देखिएको बहुमूल्य धातु बजारमा आज सुनको मूल्य प्रतितोला ५ हजार ४०० रुपैयाँले घटेको छ भने चाँदीको मूल्य पनि तोलामा १४० रुपैयाँले घटेको छ।
नेपाल सुनचाँदी व्यवसायी महासंघका अनुसार आज छापावाल (फाइन) सुन प्रतितोला ३ लाख २ हजार ३०० रुपैयाँमा कारोबार भइरहेको छ। बुधबार यही सुन प्रतितोला ३ लाख ७ हजार ७०० रुपैयाँमा कारोबार भएको थियो। यससँगै सुनको मूल्य पछिल्ला दुई दिनदेखि घट्ने क्रममा देखिएको छ।
त्यस्तै, तेजाबी सुनको मूल्य पनि घटेर आज प्रतितोला ३ लाख १ हजार ६०० रुपैयाँ कायम भएको छ। अघिल्लो दिन तेजाबी सुन प्रतितोला ३ लाख ७ हजार रुपैयाँमा कारोबार भएको थियो।
चाँदीतर्फ पनि मूल्यमा गिरावट देखिएको छ। आज चाँदी प्रतितोला ५ हजार १० रुपैयाँमा कारोबार भइरहेको छ, जुन बुधबारको ५ हजार १५० रुपैयाँको तुलनामा १४० रुपैयाँले कम हो।
अन्तर्राष्ट्रिय बजारको प्रभाव तथा विनिमय दरमा आएको परिवर्तनका कारण स्थानीय बजारमा सुनचाँदीको मूल्यमा उतारचढाव भइरहेको व्यवसायीहरू बताउँछन्।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया