फेमे खोलामा बेलिब्रिज सञ्चालन, फिदिम–फालोट सडक पुनः सुचारु

फिदिम, वैशाख ६ गते । पाँचथरको फिदिम नगरपालिका वडा नं. १ र ११ लाई जोड्ने फेमे खोलामा बेलिब्रिज सञ्चालनमा आएको छ ।

२०८१ असोज १२ गते आएको बाढीले फिदिम–फालोट सडक खण्डअन्तर्गत फेमे खोलाको पक्की पुल बगाएपछि लामो समयदेखि आवागमन प्रभावित हुँदै आएको थियो । १९ महिनापछि निर्माण सम्पन्न भई आइतबारदेखि बेलिब्रिज सञ्चालनमा आएको हो ।

पूर्वाधार विकास कार्यालय पाँचथर का सूचना अधिकारी मुकेशराज साहका अनुसार यो बेलिब्रिज कोशी प्रदेश सरकारको भौतिक पूर्वाधार विकास मन्त्रालय अन्तर्गत निर्माण गरिएको हो ।

पुल निर्माणमा करिब १ करोड ३९ लाख ८२ हजार ५६२ रुपैयाँ खर्च भएको जनाइएको छ । निर्माण कार्य एस एस सुनगाभा निर्माण कम्पनी ले ठेक्का सम्झौतामार्फत सम्पन्न गरेको हो ।

५० मिटर लामो बेलिब्रिज काबेली खोलाबाट ल्याइएको सामग्री प्रयोग गरी ‘पुस एन्ड पुल’ प्रविधिबाट जडान गरिएको हो ।

निर्माण तथा सञ्चालन प्रक्रियामा जिल्ला प्रशासन कार्यालय, जिल्ला समन्वय समिति, जिल्ला प्रहरी कार्यालय, फिदिम नगरपालिका, फालेलुङ गाउँपालिका तथा यातायात व्यवसायीहरूको सहकार्य रहेको थियो ।

बाढीले पुरानो पुल बगाएपछि वर्षायाममा सवारी आवागमन ठप्प हुने समस्या देखिँदै आएको थियो । नयाँ बेलिब्रिज सञ्चालनमा आएसँगै अब यातायात सहज हुने र सडक सञ्जाल पुनः प्रभावकारी बन्ने अपेक्षा गरिएको छ ।

यो सडक खण्ड पाँचथर सदरमुकामलाई भारतको पश्चिम बङ्गालसम्म जोड्ने महत्वपूर्ण मार्ग भएकाले बेलिब्रिज सञ्चालनलाई स्थानीयले सकारात्मक रूपमा लिएका छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन