![$adHeader[0]['title']](https://bfisnews.com/images/bigyapan/1776181672_1100 x100.gif)
एलएस होराइजन १२ मा आवेदन दिने म्याद जेठ १३ सम्म थपियो
- BFIS News
- 2026 May 19 10:30
लक्ष्मी सनराइज क्यापिटल लिमिटेड ले निष्काशन गरिरहेको सामूहिक लगानी कोष ‘एलएस होराइजन १२’ को इकाई खरिदका लागि आवेदन दिने अवधि थप गरेको छ ।
यसअघि बैशाख ३० गतेदेखि बिक्री खुला गरिएको उक्त योजनामा अब जेठ १३ गतेसम्म आवेदन दिन सकिने भएको हो ।
कम्पनीका अनुसार आवश्यकताभन्दा बढी आवेदन परेमा निर्धारित समयअघि नै सूचना जारी गरी बिक्री प्रक्रिया बन्द गर्न सकिनेछ ।
लक्ष्मी सनराइज म्युचुअल फण्ड अन्तर्गत सञ्चालन हुने ‘एलएस होराइजन १२’ १२ वर्ष अवधिको बन्दमुखी योजना हो । योजनाअन्तर्गत प्रतिइकाई १० रुपैयाँ अंकित मूल्यमा कुल १२ करोड इकाई बिक्रीमा ल्याइएको छ, जसको कुल आकार १ अर्ब २० करोड रुपैयाँ बराबर रहेको छ ।
कुल निष्काशनमध्ये १ करोड ८० लाख इकाई बिज पूँजीका रूपमा लक्ष्मी सनराइज बैंक लिमिटेड लाई सुरक्षित गरिएको छ । बाँकी १० करोड २० लाख इकाई सर्वसाधारण लगानीकर्ताका लागि छुट्याइएको कम्पनीले जनाएको छ ।
लगानीकर्ताले न्यूनतम १०० इकाईदेखि अधिकतम १ करोड २० लाख इकाईसम्म आवेदन दिन सक्ने व्यवस्था गरिएको छ ।
योजनाको धितोपत्र निष्काशन तथा बिक्री प्रबन्धकको जिम्मेवारी लक्ष्मी सनराइज क्यापिटल लिमिटेड ले नै सम्हालेको छ । आवेदन नेपाल धितोपत्र बोर्डबाट स्वीकृति प्राप्त आस्बा सदस्य बैंक तथा वित्तीय संस्था तथा तिनका शाखाबाट दिन सकिनेछ । साथै, सिडिएस एण्ड क्लियरिङ लिमिटेड द्वारा सञ्चालन गरिएको ‘मेरो शेयर’ प्रणालीमार्फत पनि सि–आस्बा प्रयोग गरी आवेदन दिन सकिने व्यवस्था गरिएको छ ।
म्युचुअल फण्ड निष्काशनका लागि गरिएको मूल्यांकनमा केयर रेटिङ्ग नेपाल ले कोष प्रवर्द्धकलाई ‘केयर एनपी ट्रिपल बी प्लस’ इस्यूअर रेटिङ प्रदान गरेको छ भने योजना व्यवस्थापकलाई ‘केयर एनपी एएमसी क्वालिटी ३ प्लस’ रेटिङ दिएको जनाएको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpg)
.jpg)
प्रतिक्रिया