खानी रोयल्टी नउठेको २३ करोडभन्दा बढी रकम तत्काल असुल गर्न महालेखाको निर्देशन

काठमाडौँ । महालेखापरीक्षकको कार्यालय ले खानी तथा खनिज पदार्थबाट असुल हुनुपर्ने करिब २३ करोड ७७ लाख ८८ हजार रुपैयाँ बराबरको रोयल्टी तत्काल उठाउन सरकारलाई निर्देशन दिएको छ ।

कार्यालयको ६३औँ वार्षिक प्रतिवेदनमा एक वर्षभन्दा बढी समयदेखि उत्खननबापतको रोयल्टी नबुझाइएको तथा अनुमति प्राप्त परिमाणभन्दा बढी उत्खनन भएको तथ्य भेटिएको उल्लेख गरिएको छ । साधारण ढुङ्गाको रोयल्टी दर प्रतिघनमिटर २५ रुपैयाँ निर्धारण गरिएकोमा सोही आधारमा ३० प्रतिशत जरिवाना र १० प्रतिशत स्थानीय विकास शुल्कसमेत जोडेर असुल गर्नुपर्ने प्रतिवेदनमा भनिएको छ ।

खानी तथा भूगर्भ विभाग का अनुसार अनुमति प्राप्त खानीहरूबाट हालसम्म करिब १ अर्ब ५९ करोड ४५ लाख ८ हजार रुपैयाँ रोयल्टी संकलन भए पनि केही दायित्व अझै बाँकी रहेको छ । तीन वटा कम्पनीले १० प्रतिशत स्थानीय शुल्कसमेत गरी करिब ४ करोड ९९ लाख ५४ हजार रुपैयाँ बराबर रकम दाखिला नगरेको देखिएको छ ।

प्रतिवेदनमा अनुमति प्राप्त फर्म तथा उद्योगहरूले सम्झौताभन्दा बढी उत्खनन गरेको तर वास्तविक उत्पादन स्वघोषणामा मात्र आधारित भएकाले अनुगमन प्रणाली कमजोर रहेको उल्लेख छ ।

महालेखाले खनिज पदार्थको हिसाबकिताब व्यवस्थित गर्न, अनुगमन प्रणाली सुदृढ गर्न तथा खनिज स्रोतको एकीकृत डाटाबेस तयार गर्न पनि सरकारलाई निर्देशन दिएको छ । साथै माइनिङ स्किमभन्दा बढी उत्खनन नियन्त्रण गर्न कडाइका साथ अनुगमन गर्नुपर्ने सुझाव पनि दिएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?