२० निर्माण कम्पनी तथा आपूर्तिकर्तालाई कालोसूचीमा राख्ने प्रक्रिया अघि बढ्यो

काठमाडौं । सार्वजनिक खरिद अनुगमन कार्यालयले २० वटा निर्माण कम्पनी तथा आपूर्तिकर्तालाई कालोसूचीमा राख्ने प्रक्रिया अघि बढाएको छ । विभिन्न सार्वजनिक निकायको सिफारिसका आधारमा ती कम्पनीहरूलाई कालोसूचीमा राख्ने प्रक्रिया अघि बढाइएको हो ।

कार्यालयका अनुसार सम्बन्धित कम्पनी तथा आपूर्तिकर्तालाई कालोसूचीमा किन नराख्ने भन्ने आधार र प्रमाण भए ३० दिनभित्र लिखित स्पष्टीकरण पेस गर्न यसअघि नै समय दिइएको थियो । तर तोकिएको समयभित्र स्पष्टीकरण नआएपछि पुनः ७ दिनभित्र स्पष्टीकरण पेस गर्न भन्दै सूचना जारी गरिएको छ ।

कालोसूचीमा राख्ने प्रक्रिया अघि बढाइएका कम्पनी तथा निर्माण सेवामध्ये उग्रवज्र निर्माण सेवा (काठमाडौं), अर्बान कन्स्ट्रक्सन (चितवन), शंकरमाली निर्माण सेवा प्रालि (काठमाडौं) लगायत रहेका छन् ।

सार्वजनिक खरिद अनुगमन कार्यालयले सडक डिभिजन काठमाडौं, सडक डिभिजन जुम्ला, कालिका नगरपालिका, फिक्कल गाउँपालिका, पूर्वाधार विकास कार्यालय लमजुङ लगायतका निकायको सिफारिसका आधारमा सम्बन्धित कम्पनी तथा ठेकेदारलाई स्पष्टीकरण माग गरेको जनाएको छ ।

तोकिएको समयभित्र चित्तबुझ्दो स्पष्टीकरण नआएमा सार्वजनिक खरिदसम्बन्धी नियमअनुसार आवश्यक प्रक्रिया अघि बढाइने कार्यालयले जनाएको छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा