सुदूरपश्चिममा बीमा सचेतना विस्तार गर्न प्राधिकरणको अन्तरक्रिया कार्यक्रम

काठमाडौं । नेपाल बीमा प्राधिकरण, सुदूरपश्चिम प्रदेश कार्यालय धनगढीको आयोजनामा सुदूरपश्चिम प्रदेशका विभिन्न स्थानीय तह, शैक्षिक संस्था, सञ्चार क्षेत्र, बीमक, व्यवसायी तथा अन्य सरोकारवालासँग बीमा प्रवर्द्धनात्मक छलफल तथा अन्तरक्रिया कार्यक्रम सम्पन्न भएका छन् ।

जेठ २४ गतेदेखि २९ गतेसम्म सञ्चालन भएका कार्यक्रमअन्तर्गत बैतडीको पुर्चौडी नगरपालिका र सिगास गाउँपालिका, डोटीस्थित नेपाल पत्रकार महासंघ डोटी शाखा, दिपायलमा रहेका बीमक, व्यवसायी तथा अन्य सरोकारवाला, दिपायल एकेडेमी स्कुल तथा डडेल्धुराका बीमा मध्यस्थकर्ताहरूसँग बीमा सम्बन्धी सचेतना, वित्तीय साक्षरता तथा बीमाको महत्वबारे छलफल गरिएको थियो ।

कार्यक्रममा सहभागीहरूलाई बीमाको आवश्यकता, उपलब्ध सेवा तथा नागरिकको आर्थिक सुरक्षामा बीमाले पुर्‍याउने योगदानबारे जानकारी गराइएको थियो ।

त्यस्तै बीमा क्षेत्रको पहुँच विस्तार, जनचेतना अभिवृद्धि तथा बीमाप्रति सकारात्मक धारणा विकास गर्न विभिन्न पक्षसँग सहकार्य र समन्वयलाई थप प्रभावकारी बनाउने विषयमा समेत छलफल भएको आयोजकले जनाएको छ ।

नेपाल बीमा प्राधिकरणले यस्ता कार्यक्रममार्फत बीमा सम्बन्धी जनचेतना अभिवृद्धि गर्दै बीमाको पहुँचलाई स्थानीय तहसम्म विस्तार गर्ने अभियानलाई निरन्तरता दिने जनाएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन