मध्य ताराखोला हाइड्रोपावरले सर्वसाधारणका लागि आईपीओ निष्कासन गर्ने

काठमाडौँ । मध्य ताराखोला हाइड्रोपावर कम्पनी लिमिटेडले सर्वसाधारणका लागि आईपीओ निष्कासन गर्ने भएको छ । कम्पनीले आईपीओ निष्कासनसम्बन्धी प्रस्ताव पारित गर्न वार्षिक साधारणसभा बोलाएको हो ।

कम्पनीको साधारणसभा असार २४ गते बाग्लुङस्थित कम्पनीको रजिष्टर्ड कार्यालयमा बिहान ११ बजे बस्नेछ ।

सभामा कम्पनीको आईपीओ निष्कासन गर्ने विशेष प्रस्ताव पेश गरिनेछ । साथै आईपीओ निष्कासन प्रक्रियाका क्रममा नियमनकारी निकायबाट कुनै संशोधन वा परिमार्जन गर्न निर्देशन आएमा सोहीअनुसार आवश्यक कार्य गर्न सञ्चालक समितिलाई अख्तियारी दिने प्रस्ताव पनि पारित गरिनेछ ।

त्यस्तै सभामा सञ्चालक समितिका तर्फबाट अध्यक्षले प्रस्तुत गर्ने गत आर्थिक वर्षको वार्षिक प्रतिवेदनमाथि छलफल गरी पारित गर्ने प्रस्ताव रहेको छ ।

कम्पनीले चालु आर्थिक वर्षका लागि लेखापरीक्षक नियुक्ति गर्ने तथा निजको पारिश्रमिक निर्धारण गर्ने प्रस्ताव पनि साधारणसभामा अनुमोदन गर्ने जनाएको छ ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?