डिगो ओटीटीले पायो आधिकारिक विश्वव्यापी स्ट्रिमिङ अधिकार, डिजिटल मनोरञ्जन क्षेत्रमा विस्तार गर्दै

काठमाडौँ । डिशहोम डिजिटल प्रा. लि. अन्तर्गत सञ्चालित डिगो ओटीटीले आधिकारिक विश्वव्यापी ओटीटी स्ट्रिमिङ अधिकार प्राप्त गर्दै नेपाली डिजिटल मनोरञ्जन क्षेत्रमा आफ्नो उपस्थिति थप मजबुत बनाएको छ ।

सदस्यतामा आधारित डिजिटल स्ट्रिमिङ प्लेटफर्मका रूपमा डिगो ओटीटीले चलचित्र, वेब सिरिज, टेलिभिजन कार्यक्रम, प्रत्यक्ष प्रसारण, खेलकुद, वृत्तचित्र तथा बाल सामग्रीलगायत विविध डिजिटल सामग्री दर्शकमाझ उपलब्ध गराउँदै आएको छ ।

कम्पनीसँग रहेको आधिकारिक विश्वव्यापी ओटीटी स्ट्रिमिङ अधिकारले अन्तर्राष्ट्रिय मापदण्डअनुसार डिजिटल सामग्री वितरण गर्ने क्षमता, विश्वसनीयता र दीर्घकालीन प्रतिबद्धतालाई पुष्टि गरेको डिशहोम डिजिटलले जनाएको छ ।

यसले नेपाली ओटीटी प्लेटफर्मलाई विश्वव्यापी डिजिटल मनोरञ्जन बजारसँग जोड्न महत्वपूर्ण आधार तयार गरेको कम्पनीको भनाइ छ ।

यसैबीच डिशहोम डिजिटल प्रा. लि. ले सञ्चार तथा सूचना प्रविधि मन्त्रालयअन्तर्गतको सूचना तथा प्रसारण विभागबाट राष्ट्रिय प्रसारण नियमावलीअनुसार ओटीटी प्रसारण सेवासम्बन्धी आवश्यक इजाजतसमेत प्राप्त गरेको जनाएको छ ।

आधिकारिक अधिकार र सरकारी इजाजतसहित सञ्चालन भइरहेको डिगो ओटीटीले नेपाली दर्शकलाई सुरक्षित, सहज र आधिकारिक माध्यमबाट डिजिटल मनोरञ्जन सामग्री उपलब्ध गराउने लक्ष्य राखेको छ ।

कम्पनीले आगामी दिनमा अत्याधुनिक प्रविधि, उत्कृष्ट प्रयोगकर्ता अनुभव, आधिकारिक सामग्री तथा अन्तर्राष्ट्रिय साझेदारीमार्फत डिगो ओटीटीलाई विश्वस्तरमा प्रतिस्पर्धी नेपाली डिजिटल स्ट्रिमिङ प्लेटफर्मका रूपमा विकास गर्दै लैजाने प्रतिबद्धता जनाएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन