घट्न थाल्यो बैंकहरुको खराब कर्जा, सरकारी सँगै ठुला बैंकहरुको रिकभरी राम्रो

काठमाडौं । बाणिज्य बैंकहरुको खराब कर्जा घट्न थालेको छ । लगातार बढिरहेको खराव कर्जा यस वर्षदेखि ३ प्रतिशत भन्दा तल झरेको छ । गत चैतमा बाणिज्य बैंकहरुको औषत खराव कर्जा ३.२३ प्रतिशत थियो । नेपाल राष्ट्र बैंकले भर्खरै सार्वजनिक गरेको तथ्याङ्क अनुसार साउनमा०.२५ प्रतिशत विन्दुले घटेर २.९८ प्रतिशतमा झरेको छ ।

बैंकहरुले रिकभरीलाई विशेष ध्यान दिएका छन् । सँग सँगै नेपाल राष्ट्र बैंकको प्रोभिजनिङ सम्बन्धी व्यवस्थालाई खुकुलो पारेकाले पनि बैंकहरुको खराव कर्जा तल झरेको हो । साउन भदौमा थप तल झर्ने प्रक्षेपण गरिएको छ । 

विज्ञहरुका अनुसार नेपाली अर्थतन्त्रमा देखिएको शिथिलताका कारण वित्तीय संस्थाहरूको खराब कर्जा बढ्दै आइरहेको थियो । तर पछिल्ला महिनाहरुमा भने खराव कर्जा तल झर्न थालेको हो । यसरी खराव कर्जा घट्न थाले सँगै संवेदनशील तथा डराइहाल्नु पर्ने खालको अवस्था नरहेको विज्ञहरु बताउछन् ।

नेपाल राष्ट्र बैंकले कर्जाको प्रोभिजनिङमा केहि खुकुलो नीति लिएका कारण अझै घट्न सक्ने अनुमान गरिएको छ । चालु आर्थिक वर्षको मौद्रिक समिक्षा मार्फत पास लोनमा कर्जा नोक्सानी १.३०% वाट घटाएर १.२५% मा झारिएको छ । यसले बैंकहरुको मुनाफाका साथै खराव कर्जाको मूल्याङ्कनमा पनि मद्दत गरेको छ ।

तीन सरकारी बाणिज्य बैंकहरुले खराव कर्जामा उल्लेखनीय सुधार गर्न सफल भएका छन् । एक महिना अगाडी औषतमा ४.०६ प्रतिशत रहेको खराव कर्जा भदौ महिनामा १.२८ प्रतिशत विन्दुले घटेर २.७८ प्रतिशतमा झरेको छ । जसमा नेपाल बैंकको ४.१६ प्रतिशतबाट २.८५ प्रतिशत, राष्ट्रिय बाणिज्य बैंकको ३.८८ प्रतिशतबाट २.९४ प्रतिशत र कृषि विकास बैंकको ४.२ प्रतिशतबाट २.४८ प्रतिशतमा झरेको छ । सर्वाधिक ठुलो बाणिज्य बैंक ग्लोबल आइएमईले पनि ०.८८ प्रतिशत विन्दुबाट ३.०८ प्रतिशतमा झार्न सफल भएको छ । त्यस्तै नविल बैंकले ०.६७ प्रतिशतबाट ३.२० प्रतिशतमा झारेको छ ।

बैंकहरुको व्याजदर उच्च हुँदा गएको वर्ष खराव कर्जाले चरम सिमा नाघेको थियो । यस वर्ष बैंकिङ तरलतामा सहजता आए सँगै व्याजदरमा खासै नघटे पनि बढ्न सकेको छैन । अधिकाम्स बैंकहरुले निक्षेप सँग सँगै कर्जाको व्याजदरमा पनि थोरैले घटाएका छन् । व्याजदर घट्दा ऋणीहरुलाई केहि राहत पुग्नेछ । यसले पनि खराव कर्जा बढ्नलाई रोकेको छ ।

गएको वर्ष मेडिकल व्यवसायी दुर्गा प्रसाईले पुर्वमा कर्जा भुक्तानी नगर्ने अभियान नै चलाए । यसले गर्दा व्यवसायीहरुले उनको आन्दोलनलाई साथ दिदै कर्जाको व्याज र किस्ता भुक्तानीमा आनाकानी गरे । तर व्यवसायीहरुले जस्ता सुकै आन्दोलन गरे पनि उनिहरुले लाखौ निक्षेपकर्ताको निक्षेपबाट प्राप्त गरेको कर्जा भुक्तानी नगर्ने छुट पाउदैनन् । सुरु सुरुमा लहडमा कर्जा भुक्तानी गर्न आनाकानी गरे पनि अन्तत उनिहरुले बाध्यभएर कर्जाको व्याज भुक्तानी गर्न सुरु गरिसकेका छन् ।

यस बाहेक व्यवसायीहरु आर्थिक मन्दीको चपेटामा छन् । आर्थिक मन्दीको नकारात्मक प्रभाव विस्तारै कम हुन थालिसकेको छ । विश्व अर्थतन्त्रको क्षणिक प्रभाव नेपालमा परे पनि छिमेकी मुलुक भारतको अर्थतन्त्र बढ्दो क्रममै छ । नेपालको अर्थतन्त्र भारतको अर्थतन्त्र सँग प्रत्यक्ष रुपमा जोडिने भएकाले विश्वकै आर्थिक मन्दीको प्रत्यक्ष प्रभाव भने पर्न सकेको छैन । भारतको अर्थतन्त्रमा सुधार हुँदै गर्दा नेपालको अर्थतन्त्रमा पनि केहि न केहि सकारात्मक प्रभाव पर्छ । यसले गर्दा पनि आगामी दिनमा नेपालले ठुलो आर्थिक मन्दीको नकारात्मक प्रभावलाई सामाना गर्न नपर्ने विज्ञहरु बताउछन् ।

बैंकहरुले नयाँ कर्जा प्रवाह गर्न नसके पनि पुराना कर्जालाई विग्रिन दिइरहेका छैनन् । अहिले अधिकाम्स बैंकहरुको ध्यान कर्जाको रिकभरी तथा निरन्तरतामा छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?