नेपाल नटेकेकी विदेशी नागरिक टासीद्वारा प्रधानमन्त्री दैवी प्रकोप राहत कोषमा सहयोग गर्न अपिल

काठमाडौँ । नेपालमा हालै आएको विनाशकारी बाढी र पहिरोबाट प्रभावित भएकाहरूका लागि अन्तर्राष्ट्रिय नागरिकस्तरबाट पनि सहयोगको आह्वान हुन थालेको छ ।

यसै क्रममा अमेरिकाको भर्जिनिया मूल भई हाल ग्रिसको एथेन्समा बस्दै आएकी टासी इकोनोमोपोलोस (Tassy Economopoulos) ले 'प्रधानमन्त्री दैवी प्रकोप राहत कोष' को लिङ्क सामाजिक सञ्जालमार्फत सार्वजनिक गर्दै नेपालका बाढीपीडितहरूलाई सहयोग गर्न अपिल गरेकी छन् ।

वासिङ्टनस्थित 'इन्टरनेसनल भिजिटर लियाजन' (International Visitor Liaison) का रूपमा कार्यरत टासीले आफ्नो फेसबुक प्रोफाइलमार्फत नेपाल सरकारको आधिकारिक 'प्रधानमन्त्री दैवी प्रकोप राहत कोष' को लिङ्क सेयर गर्दै राहत सहयोग जुटाउन आग्रह गरेकी हुन् ।

फेसबुकमा लिङ्क सेयर गर्दै उनले लेखेकी छन्— "नेपालका बाढीपीडितहरूलाई सहयोग गर्ने उपायहरूबारे धेरै मानिसहरूले सोधपुछ गरिरहनुभएको छ । यो राहत कोष पूर्ण रूपमा आधिकारिक छ र म यसमा सहयोग गर्न सिफारिस गर्दछु ।"

आइभिएलपी कार्यक्रम मार्फत विभिन्न देशबाट अमेरीका पुगेका विदेशी भिजिटरहरुलाई लियाजनका रुपमा काम गर्ने क्रममा टासीले नेपालीहरुसंगपनि भेट्ने अवसर प्राप्त गरेको भन्दै नेपाल र नेपाली प्रति आफ्नो प्रेम सदैव रहिरहेको बताइन ।

उनले नेपालमा पुन यस्तो प्राकृतिक विपत्ती नदोहोरीयोस भन्ने कामना समेत गरेकी छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन