माउन्टेन इनर्जीले प्रस्ताव गर्‍यो २१.०५ प्रतिशत लाभांश, २० प्रतिशत बोनस सेयर दिने

काठमाडौं। माउन्टेन इनर्जी नेपाल लिमिटेडले आर्थिक वर्ष २०८२/८३ को मुनाफाबाट सेयरधनीलाई २१.०५२६३ प्रतिशत लाभांश वितरण गर्ने प्रस्ताव गरेको छ। कम्पनीको असोज २६ गते बसेको सञ्चालक समितिको १४६औँ बैठकले २० प्रतिशत बोनस सेयर र कर प्रयोजनका लागि १.०५२६३ प्रतिशत नगद लाभांश वितरण गर्ने प्रस्ताव गरेको हो।

प्रस्तावित लाभांश नियामक निकाय विद्युत् नियमन आयोगबाट स्वीकृत भएपछि कम्पनीको आगामी १३औँ वार्षिक साधारण सभाबाट अनुमोदन हुनुपर्नेछ। दुवै प्रक्रिया पूरा भएपछि मात्रै सेयरधनीले उक्त लाभांश प्राप्त गर्नेछन्।

कम्पनीले साधारण सभा तथा लाभांश वितरण प्रयोजनका लागि कात्तिक १० गते बुक क्लोज गर्ने जनाएको छ। त्यसअनुसार बुक क्लोज हुनुभन्दा अघिल्लो दिनसम्म कायम सेयरधनीले प्रस्तावित लाभांश प्राप्त गर्न तथा साधारण सभामा सहभागी हुन पाउनेछन्।

माउन्टेन इनर्जीको सेयर मूल्य अघिल्लो कारोबार दिन ६४७ रुपैयाँमा बन्द भएको थियो।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?