पूर्व बैंकर अनिल केशरी शाह बने राष्ट्रिय स्वतन्त्र पार्टीको केन्द्रिय सदश्य

BFIS News
2023 Nov Wed 19:30

पूर्व बैंकर अनिल केशरी शाह बने राष्ट्रिय स्वतन्त्र पार्टीको केन्द्रिय सदश्य

काठमाडौं । पूर्व बैंकर अनिल केशरी शाह राष्ट्रिय स्वतन्त्र पार्टीको केन्द्रिय सदश्यमा बनेका छन् । त्यस्तै राष्ट्रिय स्वतन्त्र पार्टी (रास्वपा) का सांसद स्वर्णिम वाग्लेलाई पार्टीको उपाध्यक्ष बनाइएको छ ।

महोत्तरीको जलेश्वरमा आज (बुधबार) बसेको रास्वपाको संसदीय दल र केन्द्रीय समितिको संयुक्त बैठकले पार्टीका १४ सांसदलाई केन्द्रीय समितिमा मनोनयनसमेत गरेको छ । पार्टीका ६ सांसद यसअघि नै केन्द्रीय सदस्य थिए ।

पार्टीको विधानअनुसार सात जना प्रदेश सभापति पनि केन्द्रीय सदस्य रहनेछन् । पछिल्लो निर्णयअनुसार पार्टीको केन्द्रीय सदस्यको संख्या ६० पुगेको छ ।

पार्टी महामन्त्री मुकुल ढकालका अनुसार आज केन्द्रीय सचिवालयमा शाहसँगै राजन गौतम, नन्दन यादव, पुकार बम र कामिनी चौधरीलाई पनि समेटिएको छ ।

यस्तै रास्वपाले तीनजना सह-प्रवक्ता पनि थपेको छ । जसमा मनीष झा, प्रतिभा रावल र रमेश प्रसाईं छन् ।

बैठकमा पार्टीको पदाधिकारी चयन र महाधिवेशनको प्रक्रियाबारे छलफल भएको छ । पार्टीको महाधिवेशन प्रक्रिया र नयाँ संगठनात्मक ढाँचाअनुसार पार्टी सञ्चालन गर्ने निर्णय गरिएको पनि ढकालले जनाए । उनले सोहीअनुसार पार्टी सचिवालय गठन गरिएको जानकारी दिए ।

यस्तो छ रास्वपाको सचिवालय :

१. सभापति - रवि लामिछाने

२. उपसभापति - डीपी अर्याल

३. उपसभापति - स्वर्णिम वाग्ले

४. महामन्त्री - मुकुल ढकाल

५. सह-महामन्त्री - कवीन्द्र बुर्लाकोटी

६. सह-महामन्त्री - सुमना श्रेष्ठ

७. सह-महामन्त्री - विपिन आचार्य

८. संसदीय दलको उपनेता - विराजभक्त श्रेष्ठ

९. प्रमुख सचेतक - सन्तोष परियार

१०. कोषाध्यक्ष - लिमा अधिकारी

११. सह-कोषाध्यक्ष - बसुमाया तामाङ