नविल बैंकद्धारा नविनतम कार्यको सुरुवात, विदेशमा सिकेको सिपलाई उद्यमशिलतामा परिणत गराउने अभियान

काठमाडौं । नबिल बैंकले वैदेशिक रोजगारबाट फर्किएका र वैदेशिक रोजगारमा रहेका नेपालीको परिवार लक्षित ‘नबिल दक्ष प्रवासी उद्यमशील कर्जा’ योजना सार्वजनिक गरेको छ। विदेशमा सिकेको सिपलाई स्वेदशमै उद्यमशिलतामा रुपान्तरण गर्ने उद्देश्यले योज योजना लागु गरेको हो । 

पछिल्लो समय रेमिट्यान्सबाट आर्जन भएको ठुलो रकम उपभोगमै खर्च भइरहेको अवस्थालाई मध्यनजर गर्दै यो योजनाको मुख्य उद्देश्य रहेको बैंकले जनाएको छ । 

यस्तो कर्जा वैदेशिक रोजगारबाट फर्किएका नेपालीका साथै वैदेशिक रोजगारमा रहेका नेपालीहरुको परिवारले पनि उद्यमशिल क्षेत्रका लागि कर्जा प्राप्त गर्न सक्छन् । बैंकले नाफा आर्जन गर्ने र रोजगार सिर्जना गर्ने उद्योग तथा व्यापारको क्षेत्रमा मात्रै यस्तो कर्जा उपलब्ध गराउनेछ । विदेशमा सिकेको सिपलाई प्रयोग गर्दै नेपालमै केहि गरौ भन्ने सोचका बनाइरहेका नेपालीहरुले आफ्नो उद्योग तथा व्यवसायको प्रकृतिका आधारमा न्युनतम १५ लाख रुपैयाँदेखि अधिकतम १० करोडसम्म प्राप्त गर्न सक्छन् ।

बैंकले यस्तो कर्जालाई चार भागमा वर्गिकरण गरेको छ । यदि कसैले सुरुवातामा सानो केहि व्यवसाय गरौ भन्ने सोच बनाएका छन् भने उनिहरुले अधिकतम १५ लाख रुपैयाँसम्म कर्जा प्राप्त गर्न सक्छन् । केहि मेसिन समेत राखेर अलि ठुलो स्केलमा काम गर्नका लागि १५ लाख भन्दा बढिको कर्जा लिन चाहेमा सम्बन्धित निकायबाट व्यवसायिक अनुमति प्राप्त गरेको हुनु पर्छ । यस्तो समुहका ऋणीले १५ लाखदेखि एक करोड रुपैयाँसम्मको कर्जा प्राप्त गर्न सक्छन् ।

तेस्रो वर्गमा मझौला किसिमको उद्योग व्यवसाय स्थापना गरि एकदेखि ५ करोडसम्मको कर्जा प्राप्त गर्न सकिन्छ । चौथो वर्गमा ठुलै स्केलमा काम गरि देशकै आर्थिक विकासमा टेवा पुर्याउने किसिमको व्यवसाय गर्ने हो भने ५ देखि १० करोड रुपैयाँसम्म प्राप्त गर्न सकिने बैंकले जनाएको छ । जुनसुकै तहका ऋणीलाई समेट्न सकिने गरि यो योजना तयार पारिकए हो ।   

विदेशबाट फर्किएर आफ्नो बचलाई कसरी उत्पादनशिल क्षेत्रमा कर्जा प्रवाह गर्ने भन्ने सोच बनाएका व्यक्तिहरुलाई सबैभन्दा धेरै प्राथमिकता प्रदान गर्नेछ । वैदेशिक रोजगारमा गए पनि कसैको परिवार कुनै न कुनै व्यवसायमा संलग्न रहेको छ र उक्त व्यवसायलाई निन्तरता दिने सोच बनाउनेलाई पनि प्राथमिकतामा राखेको छ ।

बैंकले कर्जा प्रवाह गर्दा ऋणले सिकेको सिपदेखि लिएर व्यवसायिक योजनालाई हेरेर लगानी गर्नेछ । विदेशमा सिकेका कतिपय शिपको नेपालमा एकदमै धेरै सम्भावना बोकेको हुन्छ । कोरिया लगायतका मुलुकमा कृषि फार्मिकङ सिकेर फर्किएका नेपालीले नेपालमा धेरै राम्रो काम गर्न सक्छन् । यसरी सिप सिकेर नेपाल फर्किदै गर्दा उक्त व्यक्तिको आफ्नै उद्योग व्यवसाय होस् भन्ने बैंकको उद्देश्य रहेको छ । विदेशबाट फर्किदै गर्दा नेपालामा अव के गर्ने भनेर अलमलमा परिरहेका व्यक्तिहरुलाई सहजिकरण होस भनेर बैंकले यस्तो स्किम तयार पारेको हो । यसले व्यवसायिक वातावरण बनाउने बैंकको विश्वास रहेको छ ।

मूल्याङ्कनका आधारहरु

बैंकले कर्जा प्रवाह गर्दा आवश्यकताका आधारमा धितो र प्रोजेक्ट फाइनान्सिङको सुविधा दिनेछ । यदि ठुलो उद्योग छ भने उद्योगमा प्रयोग हुने मेसिनदेखि लिएर भौतिक पुर्वधार पनि धितोको रुपमा गणना हुन्छ । व्यवसायको प्रकृति अनुसार धितो मूल्याङ्कन गर्ने सुविधा रहेको छ ।

बैंकले यस्तो कर्जा आधार व्याजदरमा १.५ प्रतिशत प्रिमियम जोडर प्रभाव गर्नेछ । कर्जा अवधिभर प्रिमियम रकम निश्चित हुनेछ भने आधार व्याजदरमा भने परिवर्तन हुनेछ । यस्तो कर्जाको समयावधि अधिकतम ६ वर्षसम्मको हुनेछ । जसमा एक वर्षको परीक्षण अवधि रहनेछ ।

इच्छुक आप्रवासी तथा उनिहरुको परिवारले यस्तो कर्जाका लागि आवश्यक कागजात जुटाएर प्रकृयाँ पुरा गरेको तीनदेखि ५ दिन भित्र प्राप्त गर्न सक्नेछन् । ऋणीले भविष्यमा आवश्यकताका आधारमा कर्जाको अवधि थप गर्दै लैजान सक्ने छन् । तर बैंकले हरेक वर्ष कर्जाको मूल्याङ्कन गरेर मात्रै अवधि थप गर्ने अनुमति प्रदान गर्न सक्छ ।

निजी कम्पनी र साझेदारी व्यवासयमा पनि यो कर्जा लिन सकिन्छ। जस अन्तर्गत ५० प्रतिशत स्वामित्व अनिवार्य हुनुपर्ने प्रावधान रहेको छ । कम्पनीको हकमा १० प्रतिशत स्वामित्व हुनुपर्नेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?