मर्जर पछि बाणिज्य बैंकहरुको मुनाफामा चरम गिरावट, १२ वटाले दिदा ८ वटाको हाता लाग्यो शुन्य

काठमाडौं । मर्जर पछि बाणिज्य बैंकहरुको मुनाफामा चरम गिरावट देखिएको छ । मर्जर अगाडी नियमित लाभांश दिदै आएका बाणिज्य बैंकहरुको मर्जर पछि भने लाभांश दिने क्षमतामा ह्रास आएको हो ।

नेपाल राष्ट्र बैंकको संख्या घटाउने नीतिले बैंकका शेयरधनीहरुले भने यस वर्ष प्रतिफल पाउन सकेनन् । मर्जर पछि बैंकहरुको क्षमता बढ्ने तथा अस्वस्थ प्रतिस्पर्धा घट्ने हुँदा सबै पक्षमा राम्रो हुने पुर्व अनुमान भने अहिले आएर गलत सावित भएको छ ।

गत आर्थिक वर्षको मुनाफाबाट विद्यमान २० वटै बाणिज्य बैंकहरुले लाभांश दिने नदिने निर्णय गरिसकेका छन् । आज नेपाल इन्भेष्टमेन्ट मेगा बैंकले लाभांश नदिने निर्णय गरे सँगै लाभांश नदिने बाणिज्य बैंकको संख्या ८ पुगेको छ । लाभांश दिने बैंकहरुको लाभांश पनि आकर्षक छैन ।

गत वर्षको मुनाफाबाट मर्जरमै गएका बैंकहरुले लाभांश दिन नसकेको देखिएको छ । जस मध्ये नेपाल इन्भेष्टमेन्ट मेगा बैंक, कुमारी बैंक, प्रभु बैंक र हिमालयन बैंकले लाभांश दिएनन् । यसका साथै यस वर्ष एनएमबी बैंक, नेपाल बैंक, कृषि विकास बैंकले लाभांश दिएनन् ।

यस वर्ष राष्ट्रिय बाणिज्य बैंक, लक्ष्मी सन राइज बैंक, नविल बैंक, नेपाल एसबिआइ बैंक, ग्लोबल आइएमई बैंक, स्ट्याण्डर्ड चार्टर्ड बैंक, सिद्धार्थ बैंक, सिटिजन बैंक, एनआइसी एशिया बैंक, सानिमा बैंक, एभरेष्ट बैंक र माछापुच्छ्रे बैंकले लाभांश दिए ।

मर्जरले झन् ठुलो समस्या

मर्जरले गर्दा झन् ठुलो समस्या झेल्नु परिरहेको बैंकहरुको गुनासो छ । मर्जरमा गएका जति बैंकको एउटै गुनासो सुन्न पाइन्छ ‘बैंकको वित्तीय अवस्था खत्तम रहेछ ।’ जवकी मर्जर अगाडी डिडिए रिपोर्ट बनाइन्छ । बैंकको वास्तविक अवस्था सबै हेरेर मात्रै स्वाप रेसियो कायम गर्नेदेखि लिएर बाँकी प्रकृयाँ अगाडी बढाइन्छ । तर जति पनि मर्जर भए वित्तीय अवस्था हेरेर भन्दा पनि नेपाल राष्ट्र बैंकको दवाव र सञ्चालकहरुको प्रभावमा हुँदा अहिले समस्या देखिएको उनिहरुको भनाई ।

मर्जर अगाडी हिमालयन र सिभिल बैंकले नियमित लाभांश दिदै आएका थिए । त्यस्तै कुमारी बैंक र साविक एनसिसी बैंकले पनि थोर बहुत लाभांश दिएकै थिए । अर्को तर्फ प्रभु र सेञ्चुरी बैंकले पनि लाभांश दिएकै थिए । नेपाल इन्भेष्टमेन्ट र मेगा बैंक पनि लाभांश वितरणमा त्यति धेरै कमजोर थिएनन् ।

मर्जर पछि पनि लक्ष्मी सनराइज बैंक, नविल बैंक, ग्लोबल आइएमई बैंकले भने लाभांश दिए । साविक सनराइज बैंकले गत वर्ष लाभांश दिएको थिएन् त्यसैले मर्जर पछि शेयरधनीको हात खालि राख्न चाहेन । अर्को तर्फ नविलले पनि यस वर्ष लाभांश दर घटायो । ग्लोबल आइएमईले मर्जर पछि पनि लाभांश दिन सक्यो ।

यस वर्ष बाणिज्य बैंकहरु मध्ये सर्वाधिक धेरै एनआइसी एशिया बैंकले ३०.५२ प्रतिशत लाभांश वितरण गर्यो त्यो पनि तीन वर्ष पछि । कोभिड अगाडी आकर्षक लाभांश दिदै आएका एभरेष्ट र स्ट्याण्डर्डले यस वर्ष लाभांश दर बढाए । नविलले ११ प्रतिशत दिदा नेपाल एसबिआइले १०.५५ प्रतिशत दियो । सानिमा तथा माछापुच्छ्रे बैंकको पनि औषत भन्दा माथि नै रहेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?