लाभांश दिनेभन्दा नदिने लघुवित्त कम्पनीको संख्या बढ्यो, जम्मा १६ वटाले मात्रै दिए

काठमाडौं । कुनै समय आकर्षक लाभांश दिने लघुवित्त वित्तीय संस्थाहरुको लाभांश दर घट्नुका साथै दिनेको भन्दा नदिनेको संख्या बढ्दै गएको छ । खराव कर्जा लगायतका कारणले लघुवित्त वित्तीय संस्थाहरु लाभांश दिन नसक्ने अवस्थामा पुगेका हुन् । गत बर्थिक वर्षको मुनाफाबाट हालसम्म १६ वटाले मात्रै लाभांश दिएका छन् । जवकी गत आर्थिक वर्षमा ४१ वटाले दिएका थिए । 

नेप्सेमा सूचीकृत ५५ लघुवित्त कम्पनीमध्ये हालसम्म १६ ले गत आर्थिक वर्ष (आव) २०७९/८० सम्मको मुनाफाबाट शेयरधनीलाई लाभांश दिएका छन् । २७ कम्पनीले लाभांश नदिने निर्णय गरिसकेका छन् । 

हिमालयन, गुँरास, इन्फिनिटी, लक्ष्मी, सिवाईसी, साधना, मेरो माइक्रोफाइनान्स, गणपति, मनकामना स्मार्ट, उपकार, सामुदायिक, फरवार्ड, नाडेप, सबैको, समता घरेलु उन्नति सहकार्य र नेरुडे लघुवित्तले लाभांश वितरण नगर्ने निर्णय गरेका छन् । 

त्यस्तै ग्रामीण विकास, निर्धन उत्थान, कालिका, किसान, महुली, महिला, जाल्पा सामुदायिक, विन नेपाल, मिर्मिरे, स्वाभिमान र धौलागिरी लघुवित्त वित्तीय संस्थाले लाभांश वितरण नगर्ने निर्णय गरेका छन् । 

गत आवमा आर्थिक मन्दीका कारण कम्पनीहरूको नाफा प्रभावित भएको छ । अर्कातिर नियामकीय कडाइले पनि उनीहरूलाई लाभांश वितरण गर्न नसक्ने अवस्थामा पुर्‍याएको बताइन्छ । बैंक तथा वित्तीय संस्थाको बढ्दो खराब कर्जाले अन्य क्षेत्रमा पनि प्रभाव पारेको छ । बैंक, वित्तीय संस्थाको खराब कर्जाले सूचीकृत कम्पनीको नाफामा प्रत्यक्ष असर परेका कारण तिनले शेयरधनीलाई लाभांश वितरण गर्न नसकेको जानकार बताउँछन् । लाभांश घोषणा गरेका धेरैजसो कम्पनीले साधारणसभाबाट पारित गरिसकेका छन् । केहीको पारित हुन बाँकी छ । 

लाभांश दिएका कम्पनीमध्ये धेरैजसोको लाभांशदर घटेको छ । नेपाल राष्ट्र बैंकले लघुवित्त कम्पनीहरूलाई १५ प्रतिशतभन्दा बढी लाभांश प्रस्ताव गरेमा १५ प्रतिशतभन्दा बढी लाभांशको ९५ प्रतिशतसम्म कोषमा राख्नुपर्ने व्यवस्था गरेपछि अधिकांशको लाभांशदर घटेको हो । 

धितोपत्रको दोस्रो बजारमा सूचीकृत कम्पनीमध्ये लघुवित्तको शेयरप्रति लगानीकर्ताको आकर्षण केही वर्षअघि बढी नै देखिन्थ्यो । आकर्षक लाभांशकै आधारमा लगानीकर्ताले बढी लघुवित्त कम्पनीको शेयर कारोबार गर्थे । तर, गतवर्ष राष्ट्र बैंकले १५ प्रतिशतभन्दा बढी लाभांश वितरण गरेको खण्डमा कोषमा रकम राख्नुपर्ने प्रावधान लागू गरेपछि लघुवित्त कम्पनीको शेयर मूल्य निरन्तर ओरालो लागेको छ । प्रतिकित्ता ५५ सय रुपैयाँभन्दा माथि पुगेका कम्पनीको शेयर मूल्य अहिले १६ सय रुपैयाँमा झरेको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?