बैंकहरुले ७ महिनाको नाफाबाट कर्मचारीलाई छुट्टाए ५ अर्ब ७५ करोड बोनस, कुन बैंकको कति ?

काठमाडौं । बैंक तथा वित्तीय संस्थाको रोजगारीमा पहिलेदेखि नै आकर्षक रहेको छ । कुनै एक बैंकले रोजगारी खुला गर्यो भने त्यसमा आवेदन दिनेको घुईंचो लाग्ने गरेको छ । यसको मुख्य कारण भने बैंकले कर्मचारीहरुलाई दिने तलब भत्ताका साथै अकर्षक बोनस प्रमुख कारण मानिएको छ । कर्मचारीको बोनसका लागि मात्रै वाणिज्य बैंकहरुले ठूलो रकम छुट्याएका हुन्छन् ।

प्रत्येक बैंक तथा वित्तीय संस्थाले बोनस ऐनले तोकेअनुसार कुल नाफा (कर तिर्नुअघि)को बाट १० प्रतिशत कर्मचारीलाई बोनस वापत छुट्याउने गरेका छन् । यसरी छुट्याइएको रकमबाट बैंकहरुले कर्मचारीलाई बोनस वितरण गर्दै आएका छन् । चालु आर्थिक वर्षको ७ महिना अर्थात माघ महिनासम्मको मुनाफाबाट बैंकहरुले कर्मचारीका लागि ५ अर्ब ७५ करोड रुपैयाँ छुट्याएका छन् । 

कुन बैंकले कर्मचारी बोनसका लागि कति रकम छुट्याए ?

चालु आर्थिक वर्षको ७ महिनामा सबैभन्दा धेरै मुनाफा आर्जन गरेको नविल बैंकले कर्मचारीका लागि पनि सबैभन्दा धेरै ६२ करोड ६७ लाख रुपैयाँ प्रोभिजनिङ गरेको छ । त्यस्तै दोस्रो धेरै ग्लोबल आइएमई बैंकले आफ्ना कर्मचारीका लागि ४१ करोड ५४ लाख रुपैयाँ छुट्टाएर राखेको छ । तेस्रो नम्बरमा रहेको प्राइम बैंकले कर्मचारी बोनस बापत ४० करोड ४२ लाख रुपैयाँ प्रोभिजनिङ गरिसकेको छ । 

नेपाल इन्भेष्टमेन्ट बैंकले कर्मचारी बोनसका लागि ३७ करोड ८५ लाख, एनआइसी एशिया बैंकले ३४ करोड ८ लाख, एभरेष्ट बैंकले ३१ करोड ५८ लाख, स्ट्याण्डर्ड चार्टर्ड बैंकले ३० करोड ८२ लाख, हिमालयन बैंकले २९ करोड ९४ लाख, एनएमबी बैंकले २६ करोड ६ लाख, कुमारी बैंकले २२ करोड ९० लाख, सिद्धार्थ बैंकले २२ करोड ६७ लाख, लक्ष्मी सनराइज बैंकले २२ करोड ३६ लाख, सानिमा बैंकले २१ करोड ६७ लाख रुपैयाँ प्रोभिजनिङ गरेको छ । दोस्रो धेरै मुनाफा आर्जन गरेको सरकारी बैंक राष्ट्रिय बाणिज्य बैंकले भने कर्मचारीका लागि २० करोड १७ लाख रुपैयाँ छुट्टाएको छ । 

यस्तो बोनस आर्थिक वर्ष समाप्त भए पछि मात्रै कर्मचारीले प्राप्त गर्नेछन् । आर्थिक वर्षको अन्तिमसम्ममा बैंकहरुले जति मुनाफा आर्जन गर्छन् त्यसको १० प्रतिशत रकम आर्थिक वर्ष सकिए पछि तथा साधारणसभा हुनुभन्दा अगाडी पाउने गरेका छन् । तर बैंकहरु मर्जर पछि कतिपय बैंकमा कर्मचारी धेरै हुँदा प्रति व्यक्ति प्राप्त हुने रकममा भने धेरै गिरावट भएको कर्मचारीहरु बताउछन् । जुन बैंकहरुले मर्जरको बाटो रोजेनन् उनिहरुको कर्मचारीहरुले पाउने बोनस तुलनात्मक रुपमा धेरै आकर्षक हुने गरेको बैंकरहरु बताउछन् । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?