आक्रामक रणनीतिले पछाडी परेको एनआइसी एशिया बैंक, किन खस्कियो एकाएक ?

काठमाडौं । कुनै समयमा बैंक भनेकै एनआइसी एशिया भन्ने थियो । बैंकको आक्रामक बजार विस्तार सँग गरेको अधिक विज्ञापनले बैंकको छाप आम जन जनमा पुगेको छ । नविल, नेपाल इन्भेष्टमेन्ट जस्ता बलिया बैंकलाई उछिन्ने तहमा पुगेको एनआइसी एशिया अहिलेको अवस्थामा नविल र नेपाल इन्भेष्टमेन्ट बैंकको सामान्य प्रतिस्पर्धी पनि बन्न नसक्ने अवस्थामा खस्केको छ ।

हरेक चोक चोकमा शाखा सञ्जाल पुर्याएको बैंकले जुन गतिमा बजार विस्तार गर्न खोज्यो त्यहि गतिमा बदनामी पनि बन्दै गयो । बैंकिङ प्रणलीमा तरलता अभाव हुँदा एक साताको समेत मुद्दती निक्षेप ल्याएर पुरै बैंकिङ प्रणालीलाई चुनौती दिने एनआइसी एशियाकै कारण कयौ बैंकहरु राष्ट्र बैंकसम्म धाउनु पर्यो ।

तर केहि समय दुर्गा प्रसाइले सामाजिक सञ्जालमा बैंकको विषयमा नकारात्मक टिप्पणी गर्दा बैंकबाट ठुलो निक्षेप बाहिरिएको छ । जुन तेस्रो त्रैमाशिक वित्तीय विवरणमा झल्किन्छ । गत असारको तुलनामा बैंकको निक्षेप संकलन केवल ५.०७ प्रतिशतले बढेको छ जवकी कर्जा विस्तार ५.८९ प्रतिशतले बढेको छ । जुन विस्तार समग्र बैंकिङ प्रणालीको औषत भन्दा कम हो ।

कयौ बैंकहरु गएका वर्षमा मर्जरमा जादा एनआइसी एशिया हामी एक्लै सक्छौ भनेर जान चाहेन तर अहिले आएर बैंकलाई हरेक कुरामा गाह्रो परेको छ । बैंकको कर्जा लगानी क्षमता ‘क्यापिटल एडुकेसी रेसियो’ नपुग्दा बैंकले दुई वर्ष लाभांश बाड्न पाएन जसले गर्दा बैंकले बजार विस्तार पनि गर्न सकेन । यो नै बैंकको अधिगतीको प्रमुख कारण थियो । गएका वर्षमा लाभांश बाढ्न नपाएर प्रतिशेयर आम्दानी धेरै देखेका लगानीकर्ताहरु यस वर्षदेखि बैंकको शेयरमा आकर्षित हुन छाडिसकेका छन् । यस सँगै बैंकको शेयर मूल्य पनि ८५२ रुपैयाँबाट ३८३ रुपैयाँमा झरेको छ । यहि हिसावले बैंकको शेयर मूल्य आगामी दिनमा सुधार हुने देखिदैन ।   

बैंकिङ प्रणालीमा नराम्रो छाप बनाएको एनआइसी एशिया बैंकको विषयमा जो कोही निक्षेपकर्ता तथा ऋणी सकारात्मक देखिदैनन् । चालु आर्थिक वर्ष २०८०/८१ को तेस्रो त्रैमाशिक अवधिमा बैंकको मुनाफा ५३ प्रतिशतले गिरावट भएको छ । समिक्षा अवधिमा बैंकले एक अर्ब ९१ करोड रुपैयाँ मुनाफा आर्जन गरेको छ । जवकी गत वर्षको यहि अवधिमा बैंकको मुनाफा चार अर्ब एक करोड थियो । मुनाफामा गिरावट सँगै प्रतिशेयर आम्दानी पनि ४६ रुपैयाँबाट १७ रुपैयाँमा झरेको छ । एक वर्षकै अवधिमा प्रतिशेयर आम्दानी २९ रुपैयाँले घटेको हो ।  

बैंकले समिक्षा अवधिमा ३ खर्ब ३७ अर्ब रुपैयाँ निक्षेप संकलन गरि २ खर्ब ७७ अर्ब रुपैयाँ घटेको छ । दुर्गा प्रसाइको हल्ला पछि बैंकको निक्षेप तथा कर्जा नविल बैंक र नेपाल इन्भेष्टमेन्ट बैंकमा ट्रान्फर भएका छन् । व्यवसाय खस्किए सँगै खुद व्याज आम्दानी पनि ९.९५ प्रतिशतले घटेर ८ अर्ब ८ करोडमा झरेको छ ।

खराव कर्जा ३.०८ प्रतिशत पुगेको छ भने वितरण योग्य मुनाफा ऋणात्मक छ । प्रतिशेयर नेटवर्थ २५४ रुपैयाँबाट २०५ रुपैयाँमा झरेको छ । यहि गतिमा अगाडी बढ्यो भने एनआइसी एशिया बैंक मर्जरमा जानुको विकल्प छैन । कुनै समयमा अत्याधिक वार्गेनिङका कारण मर्जरमा जान नसकेको एनआइसी एशिया अव बराबरी हैसियतमा मर्जरमा जानु पर्ने अवस्था आएको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?