प्रभु महालक्ष्मीको बिलम्ब शुल्कमा ७५ प्रतिशत छुट, व्यतित बीमालेख नविकरण गर्ने अवसर

काठमाडौं । प्रभु महालक्ष्मी लाइफ इन्स्योरेन्स कम्पनीले व्यतित वीमालेखको नविकरणमा लाग्ने बिलम्ब शुल्कमा ७५ प्रतिशत छुट दिने भएको छ ।

कम्पनीले नविकरण बीमाशुल्क भुक्तानी गर्नुपर्ने बीमालेखहरु मोहलत अवधि नाघी व्यतित भई पुनर्जागरणको लागि तोकिएको प्रक्रिया पुरा गर्नेलाई यस्तो सुविधा दिने भएको हो । कम्पनीले यस्तो सुविधा यहि बैशाख २३ गतेदेखि ३१ गतेसम्म मात्रै दिने छ ।

यस योजनामा समावेश भई पुनर्जागरण भएका बीमालेखहरु पुनर्जागरण भएको २ वर्ष भित्र समर्पण गर्न आएमा प्रदान  गरेको बिलम्ब शुल्क छुटको सम्पुर्ण रकम कट्टा गरिने कम्पनीले जनाएको छ ।

त्यस्तै यस भन्दा पहिले बिलम्ब छुट सुविधा प्राप्त भइसकेका बीमालेखलाई यस योजनामा समावेश नगरिने कम्पनीले जनाएको छ । यस छुट योजनामा सहभागी भइ छुट प्राप्त गर्ने बीमितहरुलाई पुरा बीमा अवधिभर पुनः व्याज छुट प्रदान नगरिने कम्पनीले जानकारी दिएको छ ।

प्रभु महालक्ष्मी लाइफले प्रथम बीमा शुल्कका साथै नविकरण बीमा शुल्कमा पनि उत्तीकै ध्यान दिदै आएको छ । नेपाल बीमा प्राधिकरणको नियम र निर्देशन अनुरुप व्यतित बीमालेखको अनुपात घटाउन विभिन्न योजनाहरु सार्वजन गर्दै आइरहेको छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना