सगरमाथाको विश्वव्यापी प्रचार आवश्यक : मिङ्मा ग्याल्वो शेर्पा

काठमाडौँ, चैत २२ — विश्वविख्यात आरोही मिङ्मा ग्याल्वो शेर्पाले सगरमाथा नेपालको गौरव र पहिचान भएकाले यसको प्रभावकारी अन्तर्राष्ट्रिय प्रचार–प्रसार गर्न सके मात्रै पर्यटक आवागमन बढाउन सकिने बताउनुभएको छ।

एएमएस ग्लोबल हिमालय फाउन्डेसनले आगामी मे २९ मा काठमाडौँमा आयोजना गर्ने ‘एभरेष्ट टुरिज्म एवार्ड’ तथा ‘वल्ड पिस समिट’ सम्बन्धी जानकारी दिन आयोजित कार्यक्रममा उहाँले पर्यटन क्षेत्रमा लगानी वृद्धि गर्न यस्ता अन्तर्राष्ट्रिय कार्यक्रम आवश्यक रहेको बताउनुभयो।

फाउन्डेसनकी संस्थापक अध्यक्ष सत्यकला तामाङ लामाका अनुसार नेपालको लोककला, संस्कृति, पर्यटनलाई विश्वभर चिनाउने उद्देश्यले उक्त कार्यक्रम आयोजना गर्न लागिएको हो। कार्यक्रममा ३० भन्दा बढी देशका प्रतिनिधिहरूको सहभागिता रहने जनाइएको छ।

फाउन्डेसनले यसअघि जापान, फिलिपिन्स, चीन, युएई, क्यानाडा, माल्दिभ्स र सुडानलगायत देशहरूमा नेपाली कला, संस्कृति, भाषा तथा पर्यटन प्रवर्द्धनसम्बन्धी कार्यक्रमहरू सम्पन्न गरिसकेको छ।

कार्यक्रममा पर्यटन व्यवसायी जिम्बाज्याङ्वु शेर्पा, दामोदर घिमिरे, मिङ्मादोर्जे शेर्पा, असिम राई तथा पत्रकार ऋषि धमलालगायत वक्ताहरूले देशको आर्थिक समृद्धिका लागि पर्यटन क्षेत्रको विकास अपरिहार्य रहेकोमा जोड दिएका थिए।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन