बैंकको कर्जा रिकभरीमा ठुलो समस्या, १० महिनामा ७८ अर्ब ५८ करोडको प्रोभिजनिङ गर्न बाध्य

काठमाडौं । बैंकहरुको रिकभरीमा समस्या देखिदा गत असारको तुलनामा चालु आर्थिक वर्षको १० महिनामा १९.४० प्रतिशतले प्रोजनिङ बढेको छ । बैंकहरुले समिक्षा अवधिमा ७८ अर्ब ५८ करोडको प्रोभिजनिङ गर्नु परेको हो । जवकी गत असार मसान्तमा बैंकहरुले ६५ अर्ब ८१ करोडको प्रोभिजनिङ गरेका थिए ।

प्रोभिजनिङ बढे पनि कर्जा रिकभरिमा पनि ठुलो सुधार देखिदैन । बैंकहरुले विभिन्न प्रकृयाबाट बैशाख सम्ममा १८.३९ प्रतिशतले राइट व्याक गरेका छन् । बैशाखसम्ममा बैंकहरुले ३२ अर्ब ६२ करोडको राइट व्याक गरेका छन् । गत आर्थिक वर्षको असार समान्तसम्ममा २७ अर्ब ५५ करोडको राइट व्याक गरेका छन् ।

बैंकहरुले राइट व्याक बढाए पनि कर्जा असुली प्रकृयाँका कारणले यस वर्ष राइट व्याक गर्न सकेका छन् । जसले गर्दा प्रोभिजनिङको हिस्सा थप बढेको हो ।

नेपाल राष्ट्र बैंकले जारी गरेको नयाँ निर्देशनले बैंक तथा वित्तीय संस्थालाई कर्जा असुली (रिकभरी) मा थप समस्या देखिएको हो । बैंक तथा वित्तीय संस्थाहरुलाई जारी गरिएको एकीकृत निर्देशन, २०८० मा संशोधन गर्दै राष्ट्र बैंकले ऋणीलाई केहि राहात दिने क्रममा असुलीमा भने थप समस्या देखिएको हो । धितोलिलाम प्रकृयाँलाई राष्ट्र बैंकले लम्ब्याउदा ऋणीले राहात पाए पनि बैंकहरुले पनि प्रोभिजनिङ बढाउनु परेको हो ।

राष्ट्र बैंकले कर्जा पुनर्संरचना तथा पुनर्तालिकीकरणमा पनि राष्ट्र बैंकले क्रमिक रुपमा टाइट गर्दै जाने नीति लिएको छ । यहि कारणले गर्दा बैंकहरुको व्यालेन्स सिट भद्दा देखिएको विज्ञहरु बताउछन् । रिकभरीमा समस्या देखिदा बैंकहरुको पूँजीकोष टाइट भइरहेको छ । जसले गर्दा अधिक तरलताको बाबजुद पनि पूँजीकोष टाइट हुँदा नयाँ कर्जा प्रवाह हुन सकिरहेको छैन । बैंकहरुले चाहेर पनि नयाँ कर्जा तर्फ ध्यान दिन सकिरहेका छैनन् ।

खराव कर्जा बढेका कारण बैंकहरुको प्राथमिक पूँजीकोष बोर्डरमा छ । यसले गर्दा बैंकहरुले कर्जा असुलीमा जोड दिदै आइरहेका छन् । कर्जा असुलीमा जतिसुकै टाइट गर्दा पनि ऋणीहरुको अवस्थालाई हेरेर बैंकहरु हदैसम्म तल झरेर असुली प्रकृयाँमा जान सक्ने अवस्थामा छैनन् । चरम आर्थिक मन्दीका कारण व्यवसायीहरु ठुलो समस्यामा छन् । अर्थतन्त्रको चक्र नै ब्रेक हुँदा सबै प्रकारका व्यापार व्यवसाय राम्रो अवस्थामा छैन । त्यसमा पनि कर्जा असुलीको प्रमुख पाटो घरजग्गा लिलाम हो । अहिले घर जग्गाको कारोबारमा सुस्तता छ । लिलाममा राख्दा पनि घर जग्गा बिक्री हुने अवस्थामा छैन । यस्तै व्यवहारिक कठिनाइले गर्दा प्रोभिजनिङ बढेको हो ।

यहि हिसावले आगामी दुई महिनामा कर्जा राइट व्याक नहुने हो वा सावा व्याज उठ्न नसक्ने अवस्था रहिरह्यो भने खराव कर्जा थप बढ्नेछ । यसको असर बैंकहरुको मुनाफाका साथै लाभांश वितरण गर्न नसक्ने अवस्थासम्म हुन सक्छ । यस वर्षको मुनाफाबाट बैंकहरुले गत वर्षको भन्दा पनि कम लाभांश दिन पर्ने अवस्था आउन सक्ने विज्ञहरु बताउछन् । यसले गर्दा बैंकहरु जेठ र असार महिनामा कर्जा असुलीका लागि खटिइरहेका छन् ।

अहिले बैंकहरुको सबैभन्दा ठुलो टाउको दुखाइको विषय नै हिजोका दिनमा रिफाइनान्सिङ र रिस्ट्रक्चरिङ गरेर क्षमता भन्दा ठुलो बनाइएका कर्जालाई कसरी सल्टाउने भन्ने तर्फ छ । नेपाल सरकार तथा राष्ट्र बैंक दुबैले लिएका ऋणी मैत्री नीतिको प्रभावले गर्दा रियल बैंकिङमा समस्या देखिएको हो । आजका दिनमा ऋणीले चाहेर पनि कर्जाको सावा व्याज भुक्तानी गर्न सक्ने अवस्था छैन भने बैंकहरुले पनि ऋणीको व्यवसाय नै विगार्ने गरि रिकभरीमा जान सक्ने अवस्था छैन । अजै रिफाइनान्स र रिस्ट्रक्चरिङ गर्ने हो भने भोलिका दिनमा ऋणीले कर्जा धान्न सक्दै सक्दैन । 

यहि कारणले गर्दा सरकारले कित्ताकाटमा फुकुवा पनि गरिदिएको छ । तर सिथिल अवस्थाको घरजग्गामा चार्मिङ आउने अवस्था छैन । जग्गा बिक्री गर्छु भन्दा पनि खरिद गर्न आउने व्यक्ति छैन ।  

हेर्नुहोस् कुन बैंकको प्रोभजनिङ कति र कर्जा असुली कति

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?