बैंकहरुले १० महिनाको मुनाफाबाट कर्मचारीलाई छुट्टाए ८ अर्ब ७ करोड बोनस, कुन बैंकको कति ?

काठमाडौं । बैंक वित्तीय संस्थाले बैशाख महिनासम्मको मुनाफाबाट ८ अर्ब ७ करोड रुपैयाँ बोनस छुट्टाएका छन् । बैंकहरुले ५३ अर्ब १९ करोड मुनाफा आर्जन गरेर उक्त रकम बोनसका लागि प्रोभिजनिङ गरेका हुन् ।

नियम अनुसार बैंकहरुले कर्मचारीहरुका लागि मुनाफाको १० प्रतिशत छुट्ट्याउनु पर्छ । यहि व्यवस्था अनुसार नविल बैंकले सर्वाधिक धेरै ८६ करोड ७८ लाख रुपैयाँ बोनसका लागि छुट्टाएको छ । बैंकले १० महिनाको अवधिमा ५ अर्ब ४६ करोड मुनाफा आर्जन गरेको छ ।

तर गत वर्षको यहि अवधिको तुलनामा मुनाफा र कर्मचारी बोनस दुबै घटेको छ । त्यस पछि दोस्रो धेरै कर्मचारी बोनस ग्लोबल आइएमई बैंकको छ । ग्लोबलले ४ अर्ब १२ करोड मुनाफा आर्जन गरि कर्मचारीका लागि ६३ करोड ४१ लाख सुरक्षित गरेको छ ।

त्यस्तै नेपाल इन्भेष्टमेन्ट बैंकले ३ अर्ब ७७ करोड मुनाफा आर्जन गरेर ५९ करोड ९३ लाख रुपैयाँ प्रोभिजनिङ गरेको छ । चौथो नम्बरमा रहेको प्राइमले कर्मचारिका लागि ५१ करोड १९ लाख रुपैयाँ प्रोभिजनिङ गरेको छ । यस वर्ष अधिकाम्स बैंकहरुको कर्मचारी बोनसमा ठुलो गिरावट हुने देखिएको छ ।

खराव कर्जा बढ्दा बैंकहरुको प्रोभिजनिङ बढेको छ । त्यस माथि पनि कर्जा रिकभर नहुँदा बैंकहरुको व्यवसाय विस्तारमा पनि अवरोध हुँदै आएको छ । व्यवसाय विस्तारमा अवरोध हुने वित्तीकै बैंकहरुको मुनाफामा ठुलो असर पर्छ ।

मुनाफा घट्ने वित्तीकै कर्मचारीहरुले पाउने नियमित बोनस रकममा पनि गिरावट आउने देखिएको हो । यसरी छुट्टाइएको बोनस रकम बैंकहरुले आर्थिक वर्ष सकिए पछि वितरण गर्छन् । केहि रकम अग्रिम रुपमा दिए पनि पुरै रकम भने लेखापरीक्षण पश्चात मात्रै वितरण गर्छन् ।

बैंकमा काम गर्ने कर्मचारीले नियमित तलवका अतिरिक्त विभिन्न सेवा सुविधा बापत १८ देखि २२ महिनासम्मको सुविधा बुझ्ने गरेका छन् । १२ महिनाको तलवका अतिरिक्त बैंकहरुले कर्मचारीलाई कम्तिमा पनि दशैमा एक महिनाको तलब, स्वास्थ्य उपचारका लागि एक महिना, फोर्स लिभ बापत एक महिना र बोनस रकम प्रदान गर्छन् । यस बाहेकको सुविधा बैंकहरुको आ-आफ्नै नियम अनुसार वितरण हुन्छ । यसले गर्दा बैंकमा काम गर्न कर्मचारीहरुको आकर्षित हुन्छन् ।

तलब सुविधा जति आकर्षक छ त्यो भन्दा धेरै काम तथा जिम्मेवारी पनि बहन गर्नु पर्छ । कुनै कुनै समयमा त राति १२ बजेसम्म पनि काम गर्नु पर्ने बाध्यता कर्मचारीमा हुन्छ । वर्क लोडकै कारण कतियले बैंकिङ क्षेत्रलाई छाडेर अन्यन्त्र क्षेत्रमा काम गरेका कयौ उदाहरुण पनि छन् । पछिल्ला दिनमा बैंकमा आकर्षक तलब सुविधा बुझ्ने कर्मचारीहरुमा पनि अमेरिका, अष्ट्रेलिया, क्यानडा, जापान, युरोप मोह देख्न सकिन्छ । अझ मर्जरका कारण हजारौ कर्मचारी विस्तापित हुनु परेको छ । आफु सरहका साथिहरुले विदेशमा गएर गरेको प्रतिगतिलाई तुलना गरेर पनि बैंकका कर्मचारी सबैभन्दा धेरै चिन्तित हुने गरेको एक बैंकरले बताए । तलब सेवा सुविधा अनुसार खर्च पनि त्यहि किसिमको हुने भएकाले बचत गर्न धेरै गाह्रो छ । जति आकर्षक तलब देखिन्छ त्यो भन्दा धेरै खर्च र घट्दो बचतका कारण समग्रमा बैंकका कर्मचारीमा पनि सन्तुष्टी देखिदैन ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?