फाइनान्समा फर्किए लगानीकर्ता, राष्ट्र बैंकको नीतिविपरित मर्जरको चर्चाले शेयर बजारमा परेन असर

काठमाडौं । नेपाल राष्ट्र बैंकले लघुवित्त वित्तीय संस्था बाहेक अन्य बैंक वित्तीय संस्थाको मर्जरको किस्सालाई टुङ्गाए पनि फाइनान्सहरुले मर्जरको बाटो कुरेको चर्चाले दोस्रो बजारमा केहि समय नराम्रै असर गर्यो । तर यस्ता चर्चाले मुर्त रुप नलिने संकेत सँगै लगानीकर्ताहरु पुनः फाइनान्सको शेयरमा फर्किएका छन् ।

बुधवार फाइनान्सको सूचक १.०७ प्रतिशत अर्थात २३.८० अंकले बढेको छ । साढे २ बजे भन्दा अगाडीसम्म फाइनान्सको शेयर मूल्य घटिरहेको थियो तर अन्तिम ३० मिनेटमा अधिकाम्सको शेयर मूल्यमा उल्लेख्य सुधार देखियो । पछिल्लो तीन महिनामा फाइनान्सको सूचक १८८७ अंकबाट अधिकतम २२२५ सम्म पुगेको थियो । तर आजको दिनमा फाइनान्सको सूचक सर्वाधिक धेरै २२३५ अंक पुगेर बन्द भएको छ ।  

शेयर सप्लाइ एकदमै कम भएकै कारण ठुला साना दुबै किसिमका लगानीकर्ताले फाइनान्सको शेयरमा खेल्दै आइरहेका छन् । पछिल्ला ४/५ महिनामा फाइनान्सको शेयरबाटै केहि लगानीकर्ताहरु करोडपति नै बनिसकेका छन् । कतिपय लगानीकर्ताले फाइनान्समा १० लाखबाट लगानी सुरु गरेर ७० लाख भन्दा माथिको पोर्टफेलियो बनाइसकेको एक ब्रोकरले बताए । बैंक, बीमामा लगानी गर्नेले खासै कमाउन सकेका छैनन् । तर फाइनान्समा मात्रै केन्द्रित भएर कारोबार गर्ने राम्रो सँग पोर्टफेलियो बढाएको उनको भनाइ छ ।

दोस्रो बजारमा सबैभन्दा सस्तो मूल्य पर्ने प्रोग्रेसिभ फाइनान्सको शेयर मूल्य ३७४ रुपैयाँ छ । यो कम्पनीको शेयर मूल्य न्युनतम २९६ रुपैयाँबाट बढेर ४६५ रुपैयाँसम्म पुग्यो । त्यस्तै सबैभन्दा महंगो मूल्य पर्ने गोर्खाज फाइनान्सको शेयर मूल्य आजका दिनमा ७३३ रुपैयाँ छ । यसको शेयर मूल्य न्युनतम ४८१ रुपैयाँबाट ९४६ रुपैयाँसम्म पुग्यो ।

नेपाल फाइनान्सकै शेयरलाई हेर्ने हो भने २७० रुपैयाँबाट ६३० रुपैयाँ पुग्यो । आजका दिनमा ५९७ रुपैयाँ छ । यसरी अधिकाम्स फाइनान्सको शेयर मूल्य २ सयदेखि ३ सयको विचमा थिए । अहिले ५ सय भन्दा माथि छ । जवकी नेप्से सूचक हेर्ने हो भने १८ सयदेखि २२ सयको विचमा घुमिरहेको छ । नेप्से सूचकमा खासै सुधार नदेखिदा पनि सेक्टरल हिसावले सुधार हुँदै आइरहेको छ । जसमा समग्रमा शेयर बजार नबढ्दा पनि सूचक विशेसमा लगानीकर्ताले कमाइरहेका छन् ।

तर अचम्म लाग्दो पक्ष के छ भने अधिकाम्स फाइनान्सहरु लाभांश दिन नसक्ने नाजुक अवस्थामा छन् । सबैको खराव कर्जा एकदमै धेरै छ । बजारमा प्रयाप्त तरलता भएका कारण महंगो व्याजदरमा कर्जा लगानी गर्दै आएका यि संस्थालाई समस्या पर्दै आइरहेको छ । जवकी फाइनान्सले दिने सबै सेवा सुविधा बाणिज्य बैंक तथा विकास बैंक आफैले दिदै आइरहेका छन् । यसले गर्दा अहिलेको विषम परिस्थितिमा उनिहरु पेनिक छन् । तर तरलता अभावको समयमा यि नै संस्थाले सबैभन्दा धेरै फाइदा लिन्छन् ।

नेपाल राष्ट्र बैंकले पनि अवका दिनमा विकास बैंक र फाइनान्सको संख्या नघटाउने नीति लिइसकेको छ । विद्यमान १७ वटा फाइनान्स प्रयाप्त रहेको तथा आवश्यक पनि छ भन्ने राष्ट्र बैंकको बुझाइ छ । यहि अवस्थामा पनि राष्ट्र बैंकले आगामी दिनमा फाइनान्स र विकास बैंकको चुक्ता पूँजी बढाउने लगानीकर्ताको प्रक्षेपण छ । यहि अनुमानलाई आधार मानेर निश्चित लगानीकर्ताले फाइनान्स र विकास बैंकको शेयरमा राख्रै सँग खेलिरहेका छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?