एनआइसी एसिया डाइनामिक डेप्ट फण्डद्वारा लाभांश वितरणको घोषणा

काठमाडौं । एनआइसी एसिया डाइनामिक डेप्ट फण्डले लाभांश घोषणा गरेको छ। योजना व्यवस्थापक तथा डिपोजिटरी एनआइसी एसिया क्यापिटलको साउन १६ गते बसेको सञ्चालक समितिको बैठकले डाइनामिक डेप्ट फण्डका इकाईधनीहरूलाई १० प्रतिशत लाभांश वितरण गर्ने घोषणा गरेको हो।

फण्डको गत आर्थिक वर्ष २०८०-८१ को लेखापरीक्षण सम्पन्न भएपछि इकाईधनीहरूलाई १० प्रतिशत प्रतिफल वितरण गर्ने भएको हो। फण्डले लाभांश वितरण प्रयोजनार्थ साउन १७ गते बुक क्लोज गर्ने भएको छ। साउन १६ गतेसम्म कायम इकाईधनीहरूले मात्रै उक्त लाभांश प्राप्त गर्नेछन्।

फण्डका इकाईधनीहरूले लाभांश प्राप्त गरेपश्चात् समायोजित मूल्यमा पुनः लगानी योजनामार्फत् उक्त रकमले थप इकाईहरु खरीद गर्न सक्नेछन् यसका लागि साउन ३२ गतेभित्र नाम दर्ता गराउनुपर्ने फण्डले जनाएको छ ।

एनआइसी एसिया म्युचुअल फण्ड अन्तर्गत सञ्चालित यस एनआईसी एसिया डाइनामिक डेप्ट फण्ड खुलामुखी योजना हो। यसको कोष प्रवर्द्धक एनआइसी एसिया बैंक रहेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन