सिद्धार्थ बैंकको मुनाफा ३ अर्ब एक करोड, प्रतिशेयर आम्दानी २१ रुपैयाँ हुँदा किन घट्यो वितरण योग्य मुनाफा ?

काठमाडौं । सिद्धार्थ बैंकले गएको आर्थिक वर्षमा ३ अर्ब एक करोड रुपैयाँ मुनाफा आर्जन गरेको छ । बैंकले अघिल्लो आर्थिक वर्षमा ३ अर्ब १६ करोड रुपैयाँ मुनाफा आर्जन गरेको थियो । यसअवधिमा यस बैंकको खुद नाफा ४.७८ प्रतिशतले घटेको छ । यसअवधिमा खुद ब्याज आम्दानी र सञ्चालन नाफा घटेकाले खुद नाफा प्रभावित भएको हो ।

खुद ब्याज आम्दानी २.३३ प्रतिशतले घटेर ७ अर्ब ९९ करोड ३५ लाख ८० हजार रुपैयाँमा सीमित भएको छ । अघिल्लो वर्षको यसैअवधिमा यसले ८ अर्ब १८ करोड ४५ लाख ४३ हजार रुपैयाँ खुद ब्याज आम्दानी कमाएको थियो । सञ्चालन नाफा ६.१० प्रतिशतले घटेर ४ अर्ब ३६ करोड ९१ लाख २ हजार रुपैयाँमा सीमित भएको छ । 

असार मसान्तसम्म आइपुग्दा यस बैंकको चुक्ता पुँजी १४ अर्ब ८ करोड ९९ लाख ८० हजार रुपैयाँ छ । वितरणयोग्य नाफा ६६ करोड ३६ लाख १० हजार रुपैयाँ छ । प्रतिसेयर आम्दानी २१ रुपैयाँ ३९ पैसा र प्रतिसेयर नेटवर्थ १९६ रुपैयाँ ३६ पैसा छ । खराब कर्जा ०.७५ प्रतिशत छ । समिक्षा अवधिमा बैंकको वितरणयोग्य मुनाफा भने ३६ करोड ६६ लाख रुपैयाँ रहेको छ। बैंकको एक्चुरियल लस तथा केहि कर्जामा गर्नु परेको प्रोभिजनिङका कारण वितरण योग्य मुनाफामा गिरावट आएको हो । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?