अर्थमन्त्री पौडेलको आश्वासन - कोरोना बीमा दाबी भुक्तानीमा म सकारात्मक छु, छलफल भइरहेको छ

काठमाडौं । अर्थमन्त्री विष्णु पौडेलले लामो समयदेखि विवादित बनिरहेको कोरोना बीमा दाबी भुक्तानीमा आफू सकारात्मक रहेको बताएका छन्। निर्जिवन बीमा कम्पनीका सिइओसँगको भेटवार्ता कार्यक्रममा मन्त्री पौडेलले दाबी रकम भुक्तानीमा आफू सकारात्मक रहेको बताएका हुन्।

कोरोना बीमाका कारण आम सर्वसाधरणमा बीमाप्रतिको धारणा नै नकारात्मक हुनेगरी आलोचना भएको भन्दै उनले उपयुक्त निष्कर्षमा पुग्ने बताए। उनले कोरोना बीमाको बाँकी दायित्व कसले र कसरी बेहोर्ने भन्ने बारे नेपाल बीमा प्राधिकरणसँग छलफल भैरहेको जानकारी दिए।

“कोरोना बीमाको भुक्तानी कसरी गर्ने भन्नेबारे बीमा प्राधिकरणले विभिन्न विकल्प दिएको छ, हामी उपयुक्त विकल्प के हुन सक्छ भनेर छलफल गरिरहेका छौं”, मन्त्री पौडेलले भने।

नेपाल बीमा प्राधिकरणका अनुसार कोरोना बीमातर्फ हालसम्म ६४ हजार ८६८ जना बीमितको ६ अर्ब १० करोड १५ लाख रुपैयाँ भुक्तानी भएको छ भने १ लाख १९१ जना बीमितहरु करिब ९ अर्ब ७२ करोड रुपैयाँ भुक्तानी बाँकी छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन