मन्त्रिपरिषद बैठक : १५० मिलियन अमेरिकी डलर सहुलियतपूर्ण ऋण स्वीकार्नेदेखि अन्य के-के भए निर्णयहरु?

काठमाडौं। सोमबार बसेको मन्त्रिपरिषद बैठकले विभिन्न १४ निर्णय गरेको छ। बैठकले विश्व बैंक समूहको अन्तर्राष्ट्रिय विकास संस्थाबाट १५० मिलियन अमेरिकी डलर बराबरको सहुलियतपूर्ण ऋण लिने निर्णय गरेको छ।

उक्त ऋण स्वीकार गर्नेसम्बन्धी वित्तीय सम्झौता र कार्यक्रम दस्तावेजलाई अन्तिम रुप दिन अर्थ मन्त्रालयका सहसचिवको संयोजकत्वमा वार्ता टोली गठन गर्न स्वीकृती प्रदान गरिएको छ।

यस्तै आर्थिक वर्ष २०७९/८० र आव २०८०/८१ मा लगातार दुई वर्षसम्म वार्षिक एक सय नेपालीलाई वैदेशिक रोजगारीमा पठाउन नसकेका इजाजतपत्र प्राप्त संस्थाको इजाजत चालु आर्थिक वर्षका लागि नवीकरण गरिदिन बाधा अड्काउ फुकाउने निर्णय पनि मन्त्रिपरिषद्ले गरेको छ ।

यसैगरी, पराष्ट्रमन्त्री डा. आरजु राणाले आगामी भदौ २ गतेदेखि ६ गतेसम्म भारत भ्रमण गर्ने भएकी छन्। नयाँ सरकार गठन भएपछि परराष्ट्रमन्त्रीको तर्फबाट हुन लागेको यो पहिलो भ्रमण हो। परराष्ट्रमन्त्री राणा नेतृत्वको प्रतिनिधिमण्डलको भारत भ्रमणसम्बन्धी कार्यक्रमलाई सरकारले स्वीकृत दिएको छ।

यस्ता छन् निर्णयहरु-

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन