विकास बैंक र माइक्रोफाइनान्सलाई लगाइएको प्रतिवन्ध खुलाउने हल्लाले शेयरमा उछाल, तत्काल नखोल्ने पक्षमा राष्ट्र बैंक

काठमाडौं । शेयर बजारमा फाइनान्स, विकास बैंक र माइक्रोफाइनान्सलाई राष्ट्र बैंकले लगाउदै आएको प्रतिवन्धनात्मक व्यवस्था हटाउन लागेको चर्चाले शेयर बजारमा केहि समयदेखि राम्रै उछाल आइरहेको छ ।

राष्ट्र बैंकले माइक्रोफाइनान्सको लाभांश वितरणमा सिमा लगाउदै आएको छ । संस्था घटाउने नीति अनुरुप राष्ट्र बैंकले मर्जरको लागि दवाव दिदै आइरहेको छ । अझै पनि लघुवित्तको संस्था आवश्यकता भन्दा धेरै रहेले तत्काल पूँजी बढाउन दिने अवस्था नरहेको नेपाल राष्ट्र बैंकका सहायक प्रवक्ता डा. डिल्लीराम पोखरेल बताउछन् । सामान्यतया राष्ट्र बैंकले कुनै पनि नीतिगत व्यवस्थामा परिवर्तन गर्नु पर्यो भने मौद्रिक नीति वा समिक्षा मार्फत गर्ने गर्दछ । तर अहिले चालु आर्थिक वर्ष सुरु भएको भर्खर दुई महिना मात्रै भयो । समिक्षा कार्तिक महिना पछि मात्रै हुने भएकाले यस विषयमा कुनै पनि कुराहरु नउठेको उनले प्रष्ट पारे ।

केहि दिन अगाडी शेयर बजारलाई प्रभावित पर्ने गर्ने नारायणी डेभलपमेन्ट बैंकले सत प्रतिशत हकप्रद शेयर जारी गर्ने हल्ला चलाइएको थियो । जवकी राष्ट्र बैंकले कुनै पनि बैंक वित्तीय संस्थालाई हकप्रद शेयर निष्काशनमा प्रतिवन्ध लगाउदै आइरहेको छ । यहि कसैले हकप्रद शेयरको प्रकृयाँ सुरु गरेको छ भने त्यो राष्ट्र बैंकको नीति विपरित हुने सहायक प्रवक्ता पोखरेलले जानकारी दिए ।

अझै पनि केहि माइक्रोफाइनान्स समस्यामा रहेकोले हकप्रद वा पूँजी बढाउने अन्य कुनै पनि उपाय अपनाउने समय नरहेको राष्ट्र बैंकको भनाइ छ । बरु अझै बैंक वित्तीय संस्थाको संख्या घटाउनु पर्ने पक्षमा राष्ट्र बैंक रहेको छ । हाल २० वटा बाणिज्य बैंक, विकास बैंक १७ वटा, फाइनान्स १७ वटा र लघुवित्त वित्तीय संस्था ५२ वटा रहेका छन् । विगत दुई वर्षमा ६ वटा बाणिज्य बैंक र १३ वटा लघुवित्त वित्तीय संस्थाहरु मर्ज भएका छन् ।

राष्ट्र बैंकले अझै पनि मर्जरको नीतिलाई निरन्तरता दिइरहेको हुँदा हकप्रद तथा बोनस शेयर दिएर पूँजी बढाउने विषयमा अझै लचिलो बन्न सकिरहेको छैन । कोभिड १९ को समयलाई देखाउदै राष्ट्र बैंक लाभांश वितरणमा कठोर बनेकै कारण अधिकाम्स बैंक वित्तीय संस्थाको चुक्ता पूँजी भन्दा जगेडा कोष धेरै हुन थालिसकेको छ । यसले गर्दा पनि राष्ट्र बैंकले यदि लाभांशमा खुकुलो बन्ने वित्तीय बैंक वित्तीय संस्थाले बम्बर लाभांश दिन सक्ने अवस्था रहन्छ । तर राष्ट्र बैंकले अझै पनि वितरणयोग्य मुनाफामा भएको रकम बाहेक जगेडाकोषबाट लाभांश वितरण गर्न दिने पक्षमा देखिदैन । यदि राष्ट्र बैंकले लचिलो नीति लियो भने पनि कार्तिक महिनामा मात्रै लिनेछ । तर अहिले जति पनि बजारमा हल्ला चलाइएका छन् ति कुनै पनि कुरामा सत्यता नभएको राष्ट्र बैंकको भनाइ छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?