नविल बैंकले प्रधान कार्यालयको पार्किङ प्रयोजनमा रहेको एक रोपनी १० आना बिक्री गर्दै, कति पर्ला मूल्य ?

काठमाडौं । नविल बैंकले हाल प्रधान कार्यालयको पार्किङ प्रयोजनमा रहेको एक रोपनी १० आना जग्गा बिक्री गर्ने भएको छ । काठमाडौं महानगरपालिका वडा नम्बर तीन स्थिति तीन धारामा रहेको एक रोपनी ५ आना २ पैसा तीन दामको एउटा कित्ता र अर्को चार आना २ पैसाको कित्ता सहित कुल एक रोपनी १० आना तीन दाम जग्गा बोलकबोल मार्फत बिक्री प्रकृयाँ अगाडी बढाएको हो । 

बैंकको उक्त जग्गा खरिदका लागि आजको मितिबाट १५ दिन भित्रमा बोलकबोल पेश गर्नु पर्ने छ । दरवार मार्गमा यति धेरै जग्गालाई पार्किङ प्रयोजनमा उपयोग गर्नु भन्दा बिक्री गरेर अर्को स्थानमा कमर्सियल प्रयोजनका लागि जग्गा खरिद गर्ने रणनीतिमा बैंक लागेको हो । बैंकको उक्त जग्गा अहिले जे जस्तो अवस्थामा त्यस्तै अवस्थामा खरिद गर्नु पर्ने शर्त राखिएको छ । 

दरवार मार्गमा कुनै समयमा प्रति आना साढे २ करोड भन्दा माथिमा पनि कारोबार भएको थियो । नेपालमा सबैभन्दा महंगो जग्गा मध्ये दरवारमार्ग पनि एक हो । बैंकले कम्तिमा पनि डेड देखि २ करोडमा बिक्री गर्न सक्नेछ । अहिले घरजग्गामा मन्दी आएको हुँदा खासै महंगोमा बिक्री नभए पनि अहिले बैंक वित्तीय संस्था तथा बीमा कम्पनीहरु यस्तो जग्गा खरिदका लागि खोजिरहेका छन् । 

केहि समय अगाडी एनएमबी बैंकले नक्सालमा ज्योति समुहको ठुलो प्लट खरिद गरेको थियो । उक्त जग्गा प्रति आना एक करोड १५ भन्दा माथिमा खरिद बिक्री भएको थियो । बैंकले यस बाहेक कैलालीको धनगढीमा पनि १३८० वर्ग मिटर जग्गा बिक्रीका लागि राखेको छ । 

पछिल्ला दिनमा बैंकहरु सँग फिक्स एसेट बढ्दै जादा बिक्री गर्नु पर्ने बाध्यता बढ्दै गएको छ । सरकारले बैंक वित्तीय संस्थालाई पनि घरजग्गामा हदबन्दी तोकिदिएका कारण बाध्यात्मक रुपमा बिक्री गर्नु पर्ने अवस्था पनि छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?