राष्ट्र बैंकले आजदेखि सुरु गर्यो दशैका लागि नयाँ नोटको वितरण, सुरुमा उपत्यका बाहिर

काठमाडौं । नेपाल राष्ट्र बैंकले २०८१ सालको बडा दशैमा माग हुने साना दरका नोट सटहिको काम सुरु गरेको छ । राष्ट्र बैंकले पहिलो चरणमा आजदेखि उपत्यका बाहिर प्रादेशिक स्तरमा विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढीबाट आजदेखि असोज २२ गतेसम्म सुकिला नोटको सटही गर्नेछ । 

साथै, इजाजतपत्र बैंक तथा वित्तीय संस्थाका शाखा कार्यालयहरुबाट समेत सुकिलो नोट सटही गर्ने व्यवस्था मिलाइएको राष्ट्र बैंकले जनाएको छ । आफ्नो खाता रहेको बैंकको शाखा कार्यालय तथा नजिकको कुनै पनि शाखाक कार्यालयबाट नोट सटही गर्न पाइने राष्ट्र बैंकले जनाएको छ । 

नेपाल राष्ट्र बैंकले हरेक वर्ष दशैको उपलक्ष्यमा नयाँ नोट साट्ने व्यवस्था मिलाउने गरेको छ । यस पटक भने दशैलाई मात्रै लक्षित गरेर नयाँ नोट छापिएको छैन । राष्ट्र बैंकले बैंकहरुलाई सुकिला नोटलाई नै प्रचलनमा ल्याएको छ । 

दशैमा टिका सँगै नयाँ नोट दक्षिणाका रुपमा दिने प्रचलन छ । यस अवधिमा नयाँ नोटको अत्याधिक मात्रामा माग हुने गरेको छ । नोटको छपाइमा ठुलो रकम खर्च हुने भएकाले राष्ट्र बैंकले दक्षिणालाई पनि अनलाइनबाटै आदान प्रदान गर्न अनुरोध गर्दै आइरहेको छ ।   

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?