नेपाल बैंकको सर्वसुलभ आवास कर्जा योजना, ५ लाखदेखि २ करोडसम्म कर्जा

काठमाडौं। सरकारी स्वामित्वको नेपाल बैंकले बजार मागबमोजिम बैंकिङ बजारमा सर्वाधिक न्यून ब्याजदर ७.७० मा नेपाल बैंक सर्वसुलभ आवास कर्जा ल्याएको छ।

नेपाल बैंक सर्वसुलभ आवास कर्जाअन्तर्गत ग्राहकले घर खरिद, नयाँ घर निर्माण, घर मर्मत, सम्भार, जीर्णोद्धार तथा अन्य बैंकको कर्जा खरिद र अपार्टमेन्ट समेत खरिद गर्न सक्नेछन्।

बैंकले ५ वर्षदेखि २५ वर्षसम्मको भुक्तानी अवधि तोकेर सेवाशुल्कमा अधिकतम ३३.३३ प्रतिशतसम्म छुट प्रदान गरी ५ लाख रूपैयाँदेखि अधिकतम २ करोडसम्म कर्जा उपलब्ध गराउनेछ।

बैंकले नेपाल बैंक समृद्ध व्यवसाय कर्जा, अटो लोनलगायत विभिन्न कर्जाको ब्याजदर समेत उल्लेख्य प्रतिशतले घटाएको छ। कर्जा सीमा १० करोड रुपैयाँसम्म रहेको नेपाल बैंक समृद्ध व्यवसाय कर्जाको ब्याजदर ८.२८ प्रतिशत छ भने व्यावसायिक ग्राहकले चालुपुँजी तथा स्थिरपुँजी व्यवस्थापनको लागि यो कर्जा उपभोग गर्न सक्नेछन्।

नयाँ गाडी खरिदका लागि ५ र ७ वर्ष भुक्तानी अवधि राखेर बैंकले प्रवाह गर्ने नेपाल बैंक अटो कर्जाको ब्याजदर हाल ७.७८ प्रतिशत छ। बैंकले हाल २२९ शाखा, ६० एक्स्टेन्सन काउन्टर र २०५ एटिएमबाट बैंकिङ सेवा दिँदै आएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?