आइपिओ निष्काशनको मुख्य एजेन्डासहित सिड इनर्जीले बोलायो साधारण सभा

BFIS News
2024 Oct 03 08:48

आइपिओ निष्काशनको मुख्य एजेन्डासहित सिड इनर्जीले बोलायो साधारण सभा

काठमाडौं। आइपिओ निष्काशनको मुख्य एजेन्डासहित सिड इनर्जीले वार्षिक साधारण सभा बोलाएको छ। असोज १५ गते बसेको कम्पनी सञ्चालक समितिको बैठकले कात्तिक ९ गते ललितपुरको जावलाखेलमा रहेको कम्पनीको रजिष्टर्ड कार्यालयमा दिनको २ बजेदेखि सुरु हुने गरी सभा बोलाएको हो।

यस्तै सभामा सञ्चालक समितिको तर्फबाट अध्यक्षले प्रस्तुत गर्ने आर्थिक वर्ष २०८०/०८१ को वार्षिक प्रतिवेदन उपर छलफल गरी पारित गर्ने, लेखापरीक्षण प्रतिवेदन सहितको २०८१ असार मसान्तसम्मको वासलात, सोही मितिमा समाप्त भएको आव २०८०/८१ को नाफा/नोक्सान हिसाब तथा नगद प्रवाहको विवरण र सोसँग सम्बन्धित अनुसूचिहरुमाथि छलफल गरी पारित गर्ने र सञ्चालक समितिले आव २०८०/०८१ मा गरेका निर्णयहरु तथा कार्यहरुको अनुमोदन गर्ने प्रस्ताव पारित गरिनेछ ।