आज एभरेष्ट बैंक र ओरियण्टल होटलको वार्षिक साधारणसभा, शेयरधनीलाई दशै खर्चको जोहो गर्दै

काठमाडौं । आज एभरेष्ट बैंक र ओरिएण्टल होटलले वार्षिक साधारणसभा आह्वान गरेका छन् । एभरेष्टले आम्रपाली ब्यङ्कवेट र ओरिएण्टलले नेपाल प्रशासनिक प्रतिष्ठान जावलाखेलमा डाकेका हुन् । दुबैले विहान ११ बजे सभा आह्वान गरेका हुन् । 

बैंकको साधारण सभाले हाल कायम चुक्ता पूँजीको १० प्रतिशतका दरले बोनस सेयर र कर प्रयोजनार्थसहित ५.५३ प्रतिशतका दरले नगद लाभांश वितरण गर्ने प्रस्ताव पारित गर्ने तालिका छ।

बोनस जारीपश्चात पुँजी वृद्धि हुने भएकोले प्रबन्धपत्र तथा नियमावली संशोधन, सर्वसाधारण सेयरधनीका तर्फबाट संचालक समितिमा प्रतिनिधित्व गर्ने २ जना संचालकको निर्वाचन र लेखापरीक्षक नियुक्ति पनि एजेण्डामा छन्।

संचालकहरूले देश तथा विदेश भ्रमण गर्दा पाउने दैनिक भत्ता पनि साधारण सभाबाट बढाउन लागिएको छ। दैनिक भत्ता ९ वर्षदेखि एउटै रहेकाले हालको महँगीलाई मध्यनजर गरी पुनरावलोकनको प्रस्ताव साधारण सभामा पेस गर्न लागिएको बैंकले जनाएको छ।

साधारण सभा तथा लाभांश वितरण प्रयोजनार्थ बैंकले असोज ८ गते बुक क्लोज गरेको थियो । असोज ७ गतेसम्म नेप्सेमा कारोबार भइ कायम सेयरधनीले लाभांश पाउनुका साथै आज सभामा भाग लिने पाउने छन् ।

ओरियण्टल होटल्स् लिमिटेडले आज २७औं वार्षिक साधारणसभा बोलाएको हो । सभाले गत आर्थिक वर्षको नाफाबाट हाल कायम चुक्ता पूँजीको ५ प्रतिशत बोनस शेयर र ०.२६३१६ प्रतिशत नगद लाभांश (कर प्रयोजनार्थ) वितरणको प्रस्ताव पारित गर्नेछ ।

वार्षिक सहित लेखापरीक्षकको प्रतिवेदन लगायत अन्य वित्तीय विवरणहरू पारित गर्ने र चालु आवका लागि लेखापरीक्षक नियुक्त गरी निजको पारिश्रमिक निर्धारण गरिनेछ ।

सभा प्रयोजनार्थ होटलले असोज ७ देखि २० गतेसम्म बुक क्लोज गर्नेछ । यसका आधारमा असोज ६ गतेसम्म नेप्सेमा कायम शेयरधनीहरू मात्रै सभामा भाग लिन र लाभांश प्राप्त गर्न योग्य हुनेछन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?