शिखर इन्स्योरेन्स कम्पनीका दिप प्रकाश पाण्डे थप एक कार्यकालका लागि नियुक्त, बीमा क्षेत्रमा तीन दशकको अनुभव

काठमाडौं । शिखर इन्स्योरेन्स कम्पनीले दिप प्रकाश पाण्डेलाई थप एक कार्यकालका लागि नियुक्त गरेको छ । कम्पनीको कार्तिक एक गते सम्पन्न ३४० औं सञ्चालक समितिको बैठकले आगामी चार वर्षका लागि नियुक्त गर्ने निर्णय गरेको हो । 

बीमा क्षेत्रमा तीन दशक भन्दा लामो अनुभव भएका पाण्डेलाई आगामी चार वर्षका लागि नियुक्त गरिएको हो । २०६१ साल मंसिर २ गतेदेखि सञ्चालनमा आएको शिखर इन्स्योरेन्स कम्पनीको स्थापनाकालदेखि नै पाण्डे सिईओमा कार्यरत छन् । 

उनले कम्पनीलाई विगत एक दशक भन्दा लामो समयदेखि हरेक सूचकमा नम्बर वानमा ल्याउन महत्वपुर्ण भुमिका निर्वाह गर्दै आइरहेका छन् । उनको कार्यकाल थप गर्ने प्रस्तावलाई बीमा प्राधिकरणले भने स्वीकृति दिन बाँकी छ ।

बीमा ऐन २०७९ को दफा ५७ को उपदफा २ मा प्रमुख कार्यकारी अधिकृतको कार्यकाल पुनः एक पटक थप गर्न सकिने व्यवस्था छ । बीमा ऐन २०७९ असोज २३ गतेदेखि लागु भएको हुँदा विद्यमान ऐनको व्यवस्था बमोजिम कम्पनीले एक कार्यकाल थप गर्ने निर्णय गरेको हो । 

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना