![$adHeader[0]['title']](https://bfisnews.com/images/bigyapan/1726498142_960x100.gif)
ग्लोबल आइएमई बैंकको मुनाफा २३.३६ प्रतिशतले बढ्यो, हरेक सूचकमा उल्लेख्य सुधार
- BFIS News
- 2024 Oct Wed 06:30
काठमाडौं । ग्लोबल आइएमई बैंकले चालु आर्थिक वर्ष २०८१/८२ को पहिलो त्रैमाशिक अवधिमा २३.३६ प्रतिशतले मुनाफा बढाउन सफल भएको छ । नेपाल राष्ट्र बैंकको पछिल्लो निर्देशिका र सुधारिदै गएको कर्जाको कारण बैंकले प्रोभिजनिङ घटाउदा मुनाफामा सुधार देखिएको हो ।
तीन महिनामा बैंकले एक अर्ब ५१ करोड रुपैयाँ मुनाफा आर्जन गरेको छ । गत वर्षको यहि अवधिमा एक अर्ब २२ करोड रुपैयाँ मुनाफा आर्जन गरेको थियो । बैंकले तीन महिनामा ४ अर्ब ११ करोड खुद व्याज आम्दानी गरेको छ ।
समिक्षा अवधिमा बैंकले ५ खर्ब १२ अर्ब रुपैयाँ निक्षेप संकलन गरी ३ खर्ब ९७ अर्ब रुपैयाँ कर्जा लगानी गरेको छ । तीन महिनाको अवधिमा ५.२३ प्रतिशतले निक्षेपमा सुधार हुँदा कर्जा विस्तार ७.५५ प्रतिशतले भएको छ ।
सर्वाधिक धेरै चुक्ता पूँजी ३६ अर्ब १२ करोड रुपैयाँ रहेको ग्लोबल आइएमई बैंकको जगेडा कोषमा २४ अर्ब ६८ करोड रुपैयाँ जम्मा भइसकेको छ । प्रतिशयर आम्दानी १६.७४ रुपैयाँ रहेको छ ।
असोज मसान्तसम्ममा बैंकको प्रतिशेयर नेटवर्थ १७४ रुपैयाँ २० पैसा रहेको छ भने मूल्य आम्दानी अनुपात १५.७१ गुणा रहेको छ।
असोज मसान्तसम्ममा १ अर्ब ९१ करोड रुपैयाँ वितरणयोग्य मुनाफा रहेको यस बैंकको वितरणयोग्य प्रतिशेयर आम्दानी १४ रुपैयाँ १८ पैसा रहेको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpeg)
प्रतिक्रिया