सिटिजन बैंकलाई खराव कर्जाले सतायो, व्यवसाय बढ्दा पनि मुनाफामा पार्यो असर

काठमाडौं । सिटिजन बैंकलाई खराव कर्जाले नराम्रो सँग असर पारेको छ । खुद व्याज आम्दानीदेखि लिएर बैंकिङ व्यवसायमा सुधार आउदा पनि इम्पेरियल चार्ज बढ्दा मुनाफामै प्रभाव पारेको छ । बैंकको मुनाफा ५० प्रतिशतले घटेर १९ करोड ८२ लाखमा झरेको छ ।

जवकी बैंकले समिक्षा अवधिमा ३.५६ प्रतिशतले खुद व्याज आम्दानी बढाउदै एक अर्ब ४९ करोड रुपैयाँ आर्जन गरेको छ । जसले गर्दा सञ्चालन आम्दानीमा १२ प्रतिशतले सुधार भएको छ । तर खराव कर्जा ५.४१ प्रतिशत पुग्दा प्रोभिजनिङ बढाउनु परेको छ । बैंकले आगामी महिनामा खराव कर्जा सल्टाउने हो भने मुनाफामा उल्लेख्य सुधार हुने निश्चित छ ।

बैंकले समिक्षा अवधिमा १.४१ प्रतिशतले निक्षेप बढाएको छ भने १.९७ प्रतिशतले कर्जा विस्तार गरेको छ । यस अवधिमा एक खर्ब ९१ अर्ब रुपैयाँ निक्षेप संकलन गर्दै एक खर्ब ५६ अर्ब रुपैयाँ कर्जा लगानी गरेको छ । बैंकको चुक्ता पूँजी १४ अर्ब २० करोड रहेको छ भने जगेडा कोषमा ६ अर्ब ९३ करोड जम्मा भएको छ ।

बैंकको प्रतिशेयर आम्दानी ५.५८ रुपैयाँमा सिमित भएको छ । कष्ट अफ फण्ड ५.८४ प्रतिशतमा झरेको छ । निक्षेपको व्याजदर घटाउदा कष्ट अफ फण्ड घट्न पुगेको हो । त्यस्तै आधार व्याजदर पनि दोहोरो अंकबाट घटेर ७.९२ प्रतिशतमा झरेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?